QTJ-Júk tasymaly ómirden ótip ketken zeınetkerdiń atyna aqsha aýdaryp otyrǵan
10:25, 09 Qazan 2023
<p>Kólik prokýrorlary «QTJ-Júk tasymaly» JShS fılıaldarynda qarjylandyrýǵa jatpaıtyn 742 adamǵa 10 mln teńgeden astam somaǵa syıaqylar men tólemderdi zańsyz esepteý faktilerin anyqtady, dep habarlaıdy <a href="https://kaz.inform.kz/lenta/" target="_blank" rel="noopener">QazAqparat</a>.</p>
Bas prokýratýranyń resmı ókili Darhan Dúısembaıdyń aıtýynsha, kásiporynnyń Aqmola fılıaly ómirden jeti jyl buryn ótken zeınetker atyna aqshalaı qarajat aýdaryp otyrǵan.
"Budan bólek, Qaraǵandyda kadr bóliminiń basshysy ata-anasyn temirjolshy zeınetkeri retinde zańsyz tizimge qosyp, olarǵa bes jyl boıy 1 mln teńgeden astam somaǵa jeńildikter, ótemaqy tólemderi men syılyqaqylardy berip otyrǵan", - dedi Darhan Dúısembaı.
Qazirgi kezde zańsyz tólemderdi qaıtarý boıynsha sharalar qabyldanýda.
Sonymen qatar, aýdıtorlyq tekserýler taǵaıyndalyp, sotqa deıingi tergep-tekserý bastaldy.