QTJ jolserikterine týrıstik joldamalar tabys etildi

ASTANA. QazAqparat - QR Tuńǵysh Prezıdenti kúni qarsańynda «Jolaýshylar tasymaly» kompanııasyna qarasty kásiporyndardyń qyzmetkerleri arasynda kásibı baıqaý ótti. Bul týraly atalǵan kompanııanyń baspasóz qyzmetinen habarlady.

Baıqaý tórt atalym boıynsha ótkizilip, oǵan 50 adam qatysty. Bul rette qatysýshylardyń kásibı biliktiligimen qatar, jolaýshylarmen jyly qarym-qatynas jasaý, oqys jaǵdaı oryn alǵan kezde saýatty áreket etý sııaqty mańyzdy máselelerge basa nazar aýdaryldy.

Baıqaý qorytyndysy boıynsha jolaýshylar tasymalynyń úzdik jolserigi dep Darhan Qalaýov tanyldy. Qalamańy tasymalynyń úzdik jolserigi júldesin Berik Dosmuhambetov jeńip alsa, al úzdik mashınıst retinde Aıdyn Ahmedıniń esimi ataldy. Jeńimpazdarǵa týrıstik joldamalar, sondaı-aq noýtbýkter men planshetter, basqa da baǵaly syılyqtar tabys etildi.

Budan bólek, úzdik poıyz brıgadasy («Ekspress» aımaqtyq fılıaly) anyqtalyp, olar «Jolaýshylar tasymaly» AQ prezıdentiniń Kýbogyna ıe boldy.