QTJ jolaýshy poıyzdarynyń nelikten keshigip jatqanyn túsindirdi
«QTJ» UK» AQ temirjoldardyń kúrdeli jóndeýden ótkizilýine baılanysty jolaýshylar poıyzdary qozǵalysynyń kestesi buzylatyndyǵy baıqalatynyn habarlaıdy. Sáýir aıynan bastap qozǵalys qaýipsizdigin jáne jolaýshylar men júk poıyzdary jyldamdyǵyn arttyrýǵa baǵyttalǵan, temirjoldardy jańǵyrtý bastaldy. Jumystar shtattyq rejımde, úzdiksiz júrgizilýde. Koronavırýs indetimen kúres sheńberinde qabyldanǵan barlyq qaýipsizdik sharalary eskerilgen», delingen kompanııanyń baspasóz qyzmeti taratqan habarlamada.
«QTJ» keltirilgen yńǵaısyzdyqtar úshin jolaýshylardan keshirim suraı otyryp, jumystardyń tezirek aıaqtalýyna qajetti barlyq sharalar qabyldanatynyn habarlady. Sondaı-aq kompanııa zańnamada jolaýshy poıyzy keshikkeni úshin aıyppul tóleýi qarastyrylǵandyǵyn eske saldy.
«Temirjol kóligi týraly» Zańynyń 80-baby «Jolaýshyny, bagajdy, júk bagajyn jetkizý merziminiń buzylýyna jaýapkershilik».
Baptyń 3 tarmaǵy - Jóneltýdi ustanǵany úshin, sondaı-aq belgilengen temirjol stansasyna jolaýshyny tasymaldaıtyn jolaýshylar poıyzynyń keshikkeni úshin eger keshigý nemese kidirý belgisiz kúsh saldarynan ekenin dáleldemese tasymaldaýshy jolaýshyǵa ár keshigý ýaqyty úshin jol júrý qujaty (bılet) qunynyń úsh paıyz kóleminde jolaýshy shyǵynyn óteýden basqa aıyppul tóleıdi. Óndirilgen aıyppul salý somasy jol júrý qujaty (bılet) qunynan aspaýy tıis.
Tasymal erejesine sáıkes jolaýshy aryzy boıynsha jolaýshylar poıyzynyń keshikkeni úshin tólenetin aıyppuldy alý úshin jolaýshy shaǵymdanýy kerek.
«Ótemaqy alýy úshin jolaýshy sońǵy kelý pýnktinde vokzaldaǵy kezekshiden keshikken ýaqyt sany mindetti túrde kórsetilip bekitilgen jol júrý qujatynda (bılette) ustalynǵan ýaqyt sany týraly belgi qoıyp alýy kerek. Ary qaraı jolaýshy osy qujatpen, sondaı-aq jeke basty kýálandyratyn qujatpen QTJ kez kelgen kassasynan ótemaqy alýyna bolady», delingen habarlamada.