QTJ jeltoqsanda 1 mıllıon tonna astyq tasymaldady

ASTANA. 6 qańtar. QazAqparat - 2013 jylǵy jeltoqsanda 1004 myń tonna astyq tasymaldandy. Bul - ótken jyldyń sáıkes merzimimen salystyrǵanda eki esege joǵary kórsetkish. Onyń ishinde respýblıka ishindegi baǵdarǵa 235 myń tonna tasymaldansa, eksportqa 769 myń tonna shyǵaryldy. Bul týraly «Qazaqstan temirjoly» UK» AQ baspasóz qyzmetinen habarlady.

Baspasóz málimetine qaraǵanda, Negizgi baǵyttar Orta Azııa (220 myń tonna), Kavkaz elderi (103 myń tonna), Reseı jáne Qara teńiz ben Baltyq teńizi (238myń tonna) baǵdary saqtaldy. Iranǵa Aqtaý halyqaralyq teńiz saýda porty arqyly (88 myń tonna), Ózen - Túrkimenstanmen memlekettik shekara arqyly 58 myń tonna astyq jóneltildi.

Qytaı baǵdaryna 54 myń tonna, Aýǵanstanǵa 8 myń tonna astyq jiberildi. Un ónimderin jóneltý 214,6 myń tonna qurady. Bul kórsetkish ótken jyldyń sáıkes merzimimen salystyrǵanda 48 myń tonnaǵa (29%) artyq. Onyń ishinde eksportqa 164,8 myń tonna shyǵarylyp, 77% qurady. Ózbekstanǵa 97 myń tonna, Aýǵanstanǵa 29 myń tonna, Tájikstanǵa 19 myń tonna, Túrkimenstanǵa 9 myń tonna, Qyrǵyzstanǵa 7 myń tonna un ónimderi jóneltildi.

Ótken marketıngilik jyly (shilde - jeltoqsan) 4,5 mıllıon tonna astyq tıeldi. Onyń 3,1 mıllıon tonnasy eksportqa shyǵaryldy. Atalmysh merzimde 1,3 mıllıon tonna un tıelse, onyń bir mıllıon tonnasy syrtqa shyǵaryldy.