«QTJ» UK» AQ kompanııalary toby bıyl 20 aktıvin básekeles ortaǵa shyǵarady
Sharaǵa «Qazaqstan temir joly» UK» AQ basshysy Qanat Alpysbaev qatysyp, sóz sóıledi.
Q. Alpysbaevtyń aıtýynsha, bıylǵy Joldaýda bıznes ortany barynsha túbegeıli jaqsartý týraly tapsyrma berildi. Osy maqsatta «QTJ» UK» AQ kompanııalar toby birqatar aktıvterdi básekeles ortaǵa shyǵarý úshin belsendi qyzmet atqarýda. Bul sharalar Kompanııanyń strategııalyq damýy men jekeshelendirýdiń memlekettik baǵdarlamasy aıasynda júrgizilýde. Memleket basshysy men QR Úkimetiniń tapsyrmasyna oraı, «QTJ» UK» AQ temirjol kompanııasy kóliktik-logıstıkalyq holdıngke aınaldy. Holdın tranzıttik áleýetti júzege asyra otyryp, Qazaqstannyń Jańa Jibek joly boıyndaǵy logıstıkalyq haby bolyp qalyptasýyna qyzmet etýde.
Q. Alpysbaevtyń aıtýynsha, «qazirgi tańda QTJ kompanııalary tobynda maqsatty qurylymdyq toptar qurylýda. Olar beıindik aktıvterdi shoǵyrlandyryp ári kólik-logıstıkalyq bıznes segmentin bir baǵytqa beıimdep, sonymen qatar beıindi emes qosymsha aktıvterdi jekeshelendirýdi kózdeıdi.
Jekeshelendirýge temirjol tehnıkalary men qural jabdyqtaryn shyǵaratyn zaýyttar, júk jáne jolaýshylar tasymaldaý segmentindegi aktıvter, kólik-logıstıkalyq termınaldar, qosalqy beıindi emes aktıvter shyǵarylady.
Q. Alpysbaevtyń aıtýynsha, (2014-2015) jekeshelendirýdiń birinshi kezeńinde 21 aktıv shyǵarylyp, odan 42,4 mıllıard teńge tústi. Kompanııanyń kóptegen enshiles kásiporyndary bastapqy baǵasynan joǵary somaǵa satyldy. Bul óz kezeginde jeke sektordyń QTJ aktıvine degen suranysynyń joǵary ekendigin kórsetedi.
2016 jyly 11 aktıv jeke sektorǵa shyǵarylyp, 24 mlrd. teńgege baǵalandy. "Lokomotıv qurastyrý zaýyty» AQ 50% aktsııasy Evolution serııasyndaǵy lokomotıvterdiń tehnologııasynyń menshik ıesi men negizgi jabdyqtar jınaǵyn jetkizýshi «General Electric» kompanııasyna berildi.
2017 jyly QTJ kompanııalary tobynyń 21 aktıvi shyǵarylady. Olardyń ishinde Aqtaý halyqaralyq teńiz saýda porty men «QTJ» UK» AQ senimdi basqarýyndaǵy birqatar óńirlik áýejaılar básekeles ortaǵa shyǵarylady.
«Biz memlekettik jekeshelendirý baǵdarlamasyna qazaqstandyq jáne sheteldik ınvestorlardyń belsendi qatysýyn kútemiz», - deıdi Q. Alpysbaev. Sondaı-aq ol bul óz kezeginde bıznes ortadaǵy ınvestıtsııalyq ahýaldyń jaqsaryp, elimizde orta jáne shaǵyn bıznestiń damýyna serpin beretindigine, sol arqyly JІÓ ósetindigine senim bildirdi.