«QTJ» UK» AQ qazan aıynda bıylǵy astyqtyń 1 mln. tonnasyn tasymaldady

ASTANA. 4 qarasha. QazAqparat - 2013 jyldyń qazan aıynda astyq tasymaldaý 1 018 myń tonnany qurady. Onyń ishinde ishki naryqqa 348 myń tonna túsirilse, 670 myń tonna eksportqa shyǵaryldy.

Negizgi baǵyttar Ortalyq Azııa (285,8 myń tonna), Kavkaz elderi (127 myń tonna), Reseı, Qara jáne Baltyq teńizderi porttary (173,5 myń tonna) syndy dástúrli marshrýttar. Parsy shyǵanaǵy baǵytynda Aqtaý halyqaralyq teńiz saýda porty jáne Ózen-Túrkimenstanmen memlekettik shekara jańa temirjol jelisi arqyly 76,5 myń tonna astyq tasymaldanǵan.

Un tıeý 285 myń tonnany qurap, byltyrǵy jyldyń dál osy kezeńimen salystyrǵanda 21 myń tonnaǵa (8 %-ǵa) joǵary. Unnyń jalpy tıeliminen eksportqa 230 myńy nemese 80 %-y tasymaldandy. Onyń ishinde Ózbekstanǵa 132, 2 myń tonna, Tájikstan men Qyrǵyzstanǵa 25 jáne 12 myń tonna jóneltilgen.

Bıylǵy marketıngtik jyldyń shilde men qazan aılarynyń aralyǵynda 2,5 mıllıon tonna astyq tasymaldanǵan, onyń ishinde eksportqa ketkeni - 1,6 mln. tonna. Sondaı-aq tasymaldanǵan 816,4 myń tonna unnyń 640 myń tonnasy eksportqa shyǵarylǵan.

Astyq pen un naryǵynda negizgi kólik operatory retinde «QTJ» UK» AQ astyq pen tarttyrý ónimderin tolassyz tasymaldaýǵa jetkilikti jyljymaly quramy bar. Bul týraly «Qazaqstan temir joly» UK» AQ baspasóz qyzmetinen habarlady.