«QTJ» UQ» AQ: Bıyl 410 shaqyrymnan astam temirjol tósemi jóndeldi

NUR-SULTAN. QazAqparat - Tasymal protsesiniń qaýipsizdigin qamtamasyz etý «QTJ» UK» AQ-nyń eń basty mindetteriniń biri bolyp tabylady jáne solaı qala beredi.

Jyl saıyn poıyzdar qozǵalysynyń kepildi qaýipsizdigin qamtamasyz etýge baǵyttalǵan birqatar is-sharalar ázirlenedi. Paıdalanýdaǵy temir joldardy ustap turýdyń sapasyn arttyrý boıynsha sharalar qabyldanýda.

Aǵymdaǵy jyly 890 km astam temirjol tósemi jańǵyrtyldy. Qaraǵandy, Qostanaı, Shyǵys Qazaqstan, Pavlodar oblystarynda 416 km temir joly kúrdeli jóndeýden ótti.

Bul rette salalyq vedomstvonyń josparly tekserisi barysynda anyqtalǵan kemshilikterdi joıý boıynsha shuǵyl jumystar júrgizildi. Búginde atalǵan magıstraldyq jeli shegindegi poıyzdar qozǵalysy keste boıynsha júzege asyrylýda.

Relstik joltabandy jappaı aýystyrý 181 km júzege asty. Keshendi jol mashınalarymen 4600 km astam jol saýyqtyrylyp, 280 km lastanǵan ballast tazartyldy, 435 km jolǵa túzetý men tegisteý júrgizildi. Atlas jol mashınasynyń kómegimen 2000 km astam rels tegisteldi.

Jol jumystarynyń tıimdiligin arttyrý úshin 185 danadan astam tehnıkalyq qural jańartylyp, 1130 danadan astam shaǵyn mehanızatsııaly qural satyp alyndy. Ótkizilip jatqan jol jumystarynyń tehnologııalyq protsesterin saqtaý úshin jol sharýashylyǵy jumyskerleri shtaty men sanynyń normatıvi qaıta qaraldy. 1000 astam óndiristik personal qyzmetkerleri biliktilikti arttyrý kýrstary men oqytýdan ótkizildi.

Atqarylǵan jumystar kesheni jolaýshylar men júk poıyzdary úshin qozǵalys jyldamdyǵyn arttyrýǵa qol jetkizýge múmkindik berdi.