QTJ reseılik naryqqa oblıgatsııa ornalastyrdy

ASTANA. QazAqparat - «Qazaqstan temir joly» Ulttyq kompanııasy» aktsıonerlik qoǵamy reseılik naryqqa jalpy somasy 15 mlrd rýbldiń oblıgatsııasyn bes jylǵa, kýpondyq negizde, 8,75 paıyzdyq kirisimen shyǵardy, dep habarlaıdy «Qazaqstan temir joly» UK» AQ baspasóz qyzmeti.

Sharany «Halyk Finance» AQ, «Gazprombank» AQ, «Aımaq» Brokerlik kompanııasy» AAQ, «Renessans  Broker» AAQ uıymdastyrdy.

Atalmysh shyǵarylym Reseı naryǵyna joldanyp otyrǵan TMD aýmaǵyndaǵy memleketter arasynda alǵashqy emıtent. Oǵan ınvestorlardyń qyzyǵýshylyǵy basym. 

Bul óz kezeginde Reseıdiń iri kompanııalarynyń deńgeıinde bekitilgen kirisi mol, ári alǵashqy kórsetilgen somadan joǵary bolatyn suranysqa ıe.

Mundaı kelisim Eýrazııalyq ekonomıkalyq odaq elderi aıasyndaǵy mańyzdy sheshim ǵana emes, otandyq emıtenttiń valıýta túrinde jańa naryqqa jol ashýy bolyp tabylady.

Bolashaqta ol qazaqstandyq kompanııalarǵa Reseı aqshasyna batyl baǵyt ustaýyna bolatyndyǵyn dáıekteıdi.

Aıta keterligi, «QTJ» UK» AQ memlekettik qordyń 100 paıyzdyq qatysýymen vertıkaldy yqpaldasqan kólik-logıstıkalyq holdıngi bolyp tabylady.

«QTJ» UK» AQ qazir kelesideı  reıtıngterge ıe: Fitch - BBB -; Moody's - Baa3; S&P - VV.