QTJ-nyń vıtse-prezıdenti jolaýshylar kóligin damytýdaǵy naqty maqsatty aıqyndaıtyn forýmǵa qatysty

ASTANA. QazAqparat - «Qazaqstan temir joly» UK» AQ vıtse-prezıdenti Berik Kamalıev bastaǵan delegatsııa Máskeýdegi «Jolaýshylar forýmyna» qatysty, dep habarlady kompanııanyń baspasóz qyzmetinen.

Jıyn jolaýshylar kóligin damytýdyń strategııasyna qatysty kóptegen máselege arnalǵan. Onyń ishinde, jolaýshylar tasymalyn barynsha qolaıly ári tıimdi, qoljetimdi etý maqsatynda júrdek jáne asa júrdek baǵdarlardy, qalaralyq qatynasty jaqsartýdy, sonymen qatar túrli jolaýshylar tasymaldaıdyn kólik túrleriniń ózara qatynasyn damytýdy kózdeıdi. Forýmǵa jolaýshylar kóligin damytý salasyndaǵy joǵary bilikti mamandar, bıznes ókilderi, salalyq ǵylym men qoǵamdyq mekemelerdiń ókilderi qatysty. «Jolaýshylar forýmy» 2011 jyldan beri turaqty ótkizilip keledi. Mamandardyń aıtýynsha, atalǵan shara jolaýshylar kóligin damytýdyń naqty maqsattaryn kórsetip otyrady.