QTJ-nyń keıbir basshylary kásipkerlerden iri kólemde para bopsalaǵan

NUR-SULTAN. QazAqparat - «Qazaqstan temir joly» ulttyq kompanııasynyń jekelegen basshylary kásipkerlerden iri kólemde para bopsalaǵan. Bul týraly onlaın brıfıng barysynda QR Sybaılas jemqorlyqqa qarsy is-qımyl agenttigi 1-shi departamenti basshysynyń orynbasary Danııar Aqýan aıtty, dep habarlaıdy QazAqparat tilshisi.

«Qazaqstan temir joly» UK» AQ qyzmetinde de jemqorlyq deregi anyqtalyp jatady. Onda jekelegen basshylar vagondardy kedergisiz bosatqany úshin káspkerlerden iri kólemde para bopsamalaýmen aınalysady», - dedi Danııar Aqýan.

Onyń dereginshe, mundaı faktilerdiń joly Almaty, Qostanaı, Aqmola. Qyzylorda jáne basqa da oblystarda kesilgen.

«Olar uıymdastyrǵan qylmystyq syzba zańsyz baıýǵa múmkindik bergen. Buǵan qosa, para somasy 100 myńnan 5 mln teńgege deıin ózgerip otyrǵan.Al jalpy para somasy ondaǵan mıllıon teńgege jetip jyǵylady», - dedi ol.