«QTJ» men «Operator ROP»-ta Á. Nazarbaevanyń úlesi qaldy ma – mınıstrler jaýaby

<p>Úkimet otyrysynan keıin ótip jatqan baspasóz konferentsııasynda Kólik mınıstri men Ekologııa jáne tabıǵı resýrstar mınıstrine Álııa Nazarbaevanyń &laquo;Qazaqstan temirjoly&raquo; jáne &laquo;Operator ROP&raquo; kásiporyndarynyń qurylymyndaǵy qazirgi mártebesi týraly suraq qoıyldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Bizdiń málimetimiz boıynsha, Álııa Nazarbaeva hanymnyń «QTJ»-da jolaýshy bıletin satyp alý baǵdarlamasy boıynsha bıznes úlesi bolǵan. Sondaı-aq, qoqys shyǵarý júıesinde bıznesi bolǵan. Osy kásiporyndaǵy Nazarbaeva hanymnyń mártebesi týraly aıtyńyzdarshy, áli de bıznes úlesi bar ma?» - dep surady BAQ ókili.

Ekologııa jáne tabıǵı resýrstar mınıstri Erlan Nysanbaev qoqys shyǵarý qyzmetinde Álııa Nazarbaevanyń úlesi qalmaǵanyn resmı málimdedi.

«ROP» - qazir 100 paıyz memlekettik kásiporyn. Iá, buǵan deıin jeke menshik kásiporyn bolǵan. Sol adamnyń kásiporny bolǵan shyǵar, naqty bilmeımin. Biraq, búgingi tańda «ROP» memlekettik kásiporyn retinde jumys istep tur. Men resmı málimdeımin, qoqys shyǵarý kompanııasy boıynsha da, qoqysty qaıta óńdeý, suryptaý baǵytynda da Nazarbaevanyń qatysy joq», - dedi mınıstr.

Kólik mınıstri Marat Qarabaev Álııa Nazarbaevanyń «QTJ» qyzmetine de qazir qatysy joq ekenin aıtty.

«Biz qosymsha anyqtadyq. Siz ataǵan tulǵanyń «QTJ» qyzmetine qazir eshqandaı qatysy joq. Qurylymynda onyń eshbir úlesi joq», - dedi Kólik mınıstri.