«QTJ» qyzmetkerleri Naýryzda kópbalaly jáne az qamtylǵan otbasylarǵa syılyq jasady

ASTANA. QazAqparat - «Qazaqstan temir joly» UK» AQ basshysy Qanat Alpysbaev Naýryz meıramy qarsańynda kompanııa qyzmetkerlerin merekesimen quttyqtady, dep habarlaıdy QazAqparat ulttyq kompanııanyń baspasóz qyzmetine silteme jasap.

«Qazaqstan temir joly» UQ» AK-nyń eńbek ujymy el ekonomıkasynyń ilgerileýine, Qazaqstannyń kólik-logıstıkalyq keshenin damytýǵa úles qosyp, ǵalamdyq jáne aımaqtyq kólik jelisine qosylý jolynda qajyrly qyzmet kórsetip keledi»,- dep atap ótti kompanııa basshysy.

Onyń aıtýynsha, Memleket basshysy Qazaqstan halqyna Joldaýynda jańa Eýrazııalyq logıstıkalyq ınfraqurylymdy odan ári damytýǵa erekshe nazar aýdaryp otyr.

«Biz qazaqstandyq jolaýshylar tasymaly men transqazaqstandyq baǵdarǵa júk aǵyndaryn ósire túsýdemiz»,-dedi Alpysbaev.

Sondaı-aq ol Ulttyq kompanııanyń aldynda turǵan Qazaqstannyń tranzıttik kólik áleýetin damytý jumystarynyń tabysty júzege asyrylatyndyǵyna senim bildirdi.

Kompanııanyń barlyq qurylymdyq bólimsheleri Naýryz meıramy qarsańyndaǵy uıymdastyrylǵan sporttyq sharalar, túrli baıqaýlar, mádenı baǵdarlamalarǵa qatysty.

«Kóktemgi shýaq» qaıyrymdylyq aktsııasy ótkizildi. Aktsııa aıasynda temirjol salasynyń ardagerlerine, kópbalaly jáne áleýmettik jaǵynan az qamtylǵan otbasylarǵa túrli syı-syıapattar jasaldy.

«Naýryz meıramy» merekesi «QTJ» UK» AQ-nyń barlyq aımaqtyq bólimshelerinde jalǵasyn tapty.