QTJ qyzmetkerler jalaqysyn bıyl 20% kóteredi
«QTJ» UK» AQ kiristeri ýákiletti memlekettik organ bekitetin retteletin tarıfter esebinen qalyptastyrylatyn tabıǵı monopolııa sýbektisi bolyp tabylady. «Tabıǵı monopolııalar týraly» QR Zańyna sáıkes monopolıstke 5 jyldyq kezeńge bir ret tarıfter bekitiledi. Máselen, 2023 jylǵa arnalǵan tarıfte qyzmetkerlerdiń jalaqysyn 4% arttyrý kózdelgen. Kompanııa 2023 jyldyń 1 qańtarynan bastap jumysshylar jalaqysyn 5% arttyrdy.
2023 jylǵy 1 qańtardan bastap monopolıstiń bekitilgen tarıfin onyń qoldanylý merzimi aıaqtalǵanǵa deıin ınflıatsııanyń naqty deńgeıin eskere otyryp, jalaqynyń ósýi esebinen ózgertýge múmkindik beretin jańa normalar engizildi.
Zańda berilgen múmkindikterdi nazarǵa ala otyryp, kompanııa qazirgi ýaqytta jalaqyny ósirý jónindegi ýákiletti memlekettik organmen jumys júrgizýde», - Qazaqstan temir joly kompanııasynyń baspasóz qyzmeti usynǵan málimette.
Aǵymdaǵy jyldyń 1 naýryzynan bastap QTJ óndiristik personal úshin jalaqyny qosymsha 15% arttyrýdy josparlap otyr.
«Osylaısha, ótkizilgen is-sharalar nátıjesinde kompanııa qyzmetkerleriniń tabysy 2023 jyly orta eseppen 20% artady.
Sonymen qatar»Naýryz«merekesine 1 AJMK (aılyq jalaqynyń mınımaldy kólemi) mólsherinde syılyqaqy tólenetin bolady.
Áleýmettik paketti jaqsartý jáne temirjolshylardyń qolaıly eńbek jaǵdaılaryn jasaý jónindegi jumys jalǵastyrylady.
Josparlanǵan ósimdi eskere otyryp, 2023 jylǵy naýryzdan bastap 3 jyl ishinde óndiristik personal jalaqysynyń jıyntyq ósimi 81% quraıdy», - delingen habarlamada.
Foto: sknews.kz