QTJ «Qorǵas -Shyǵys qaqpasy» AEA nysandaryn bıyl maýsymda paıdalanýǵa beredi

ASTANA. QazAqparat - «QTJ» UK» AQ prezıdenti A. Mamın men Almaty oblysynyń ákimi A. Batalov jumys saparymen «Qorǵas-Shyǵys qaqpasy» arnaıy ekonomıkalyq aımaq qurylys nysandaryn aralady, dep habarlady «QTJ-nyń» baspasóz qyzmetinen.

Sapar barysynda óndiristik alańdar, bolashaq arnaıy ekonomıkalyq aımaq eńbekkerlerine arnalǵan qalashyqtyń irgetasy qalanyp jatqandyǵy baıqaldy. «Merdigerlik brıgadalar belgilengen kesteden keshikpeı qurylys jumystaryn júrgizýde. Nysandardy paıdalanýǵa berý bıylǵy maýsymnan keshiktirilmeýi tıis,- dep atap ótti A. Mamın. Onyń syrtynda, keńes barysynda taıaý arada óndiristik alańnyń, AEA eńbekkerlerine arnalǵan qalashyqtyń qabyrǵasy qalanatyndyǵy belgili boldy. Aıta ketý kerek, transulttyq joba «Qorǵas-Shyǵys qaqpasy» AEA qurǵaq porty kesheniniń alǵashqy kezeńi ótken jyldyń sońynda QR Prezıdenti N.Á.Nazarbaevtyń qatysýymen ótkizilgen telekópir kezinde iske qosylǵan bolatyn.