QTJ kelesi jyldan 3 konteınerlik poıyzdy jolǵa shyǵarmaq

ASTANA. 26 qarasha. QazAqparat - «Qazaqstan temir joly» kompanııasy júk tasymaldaý úshin «Qytaı-Eýropa», «Qytaı-Ortalyq Azııa» baǵytynda 3 konteınerlik poıyzdy jolǵa shyǵarmaq. Bul týraly búgin Úkimet otyrysynda atalǵan ulttyq kompanııanyń prezıdenti Asqar Mamın málim etti.

Onyń atap ótýinshe, qazirgi tańda Azııa-Eýropa tranzıttik baǵytynda konteınerlik júkterge qyzmet kórsetý úshin 14 konteınerlik «shattl» poıyzy turaqty qatynaýda. Bul temir jol kóligi Qazaqstan aýmaǵy arqyly júkterdi táýligine myń shaqyrymdyq jyldamdyqpen tasymaldaýǵa septigin tıigizedi.

«Nátıjesinde júkterdi shoǵyrlaný ortalyqtarynan qurlyqtyq marshrýt arqyly Qytaı aýmaǵyna jetkizý merzimi dástúrli teńiz arqyly tasymaldaý jolymen salystyrǵanda úsh esege qysqardy», - dedi A.Mamın.

Kompanııa basshysynyń alǵa tartqan derekterine qaraǵanda, aǵymdaǵy jyldyń 10 aıy ishindegi konteınerlik poıyzdar tasymaldaǵan júk kólemi 1540 quramdy qurap, 2012 jylǵy deńgeıden 15 paıyzǵa asyp túsken.