QTJ Qazaqstannyń taýar aınalymy salasynda jan-jaqty qyzmet atqarýda - AEF
«Qazirgi kezde «Qazaqstan temir joly» UQ» AQ Qazaqstan terrıtorııasynda 1200 km jańa temir jol salýda. Ol bıylǵy jyldyń sońyna deıin paıdalanýǵa beriledi. Bul joldyń myń shaqyrymy - Jezqazǵan-Beıneý baǵytynda. Osy jol arqyly Aqtaý portynan Qytaıǵa qaraı taýar tasýda úlken jeńildikke ıe bolamyz», - dep atap ótti ol.
A. Mamınniń aıtýynsha,Qytaımen aradaǵy eki temir joldyń túıisken jerindegi taýar ótkizý qýaty jylyna 50 mln. tonnadan asady. Aldaǵy jyldarda bul áleýet odan ári damytyla túspek. «Byltyr Qytaımen aradaǵy jáne bizdiń terrıtorııamyz arqyly tranzıttik tasymaldardyń kólemi 20 paıyzǵa kóbeıdi. ıAǵnı qazirgi bar taýar ótkizý qýatymyz bul baǵyttaǵy jumysty odan ári damyta túsýge múmkindik beredi», - dedi ol. «QTJ» basshysynyń málimetinshe, Túrkimenstan-Iran baǵytyndaǵy temir jol qurylysy bitken soń, Soltústik-Ońtústik júk ótkizý dáliziniń áleýeti kóbeıedi. Osy arqyly Qytaı men Eýropadan kelgen taýardy Parsy shyǵanaǵyna jetkizý joly qysqarady. «Aldyn ala boljam boıynsha, 2020 jylǵa qaraı bul baǵyttaǵy taýar tasymaly jylyna 15 mln. tonnaǵa jetýi múmkin. ıAǵnı bul Parsy shyǵanaǵy naryǵyna qurlyq arqyly taýar jetkizetin eń jaqyn jol bolady», - dep atap ótti A. Mamın.