QTJ ǵımaratynda órt boldy (FOTO)
16:49, 28 Tamyz 2015
ASTANA.QazAqparat - Astanada "Qazaqstan temir joly" kompanııasynyń ǵımaratynda órt shyǵyp, adamdar qaýipsiz jerge shyǵaryldy. Oqıǵa ornyna barǵan QazAqparat tilshisine kompanııa qyzmetkerleri órt týraly dabyl shamamen saǵat 16.00 kezinde berilgenin aıtty.
Qazir órt sóndirýshiler jalyndy túgel aýyzdyqtaǵan. Alaıda, órttiń saldary tolyq joıylǵan joq, sondyqtan, qyzmetkerler ázirge dalada tur.
Al, Astana qalalyq Tótenshe jaǵdaılar departamentiniń habarlaýynsha, órt týraly qońyraý saǵat 16.18-de shalynǵan.
"Órt sóndirý jumystary áli aıaqtalǵan joq, halyqty dalaǵa shyǵaryp jatyrmyz. Qyzyl jalyndy aýyzdyqtaýǵa 15 tehnıka tartyldy. Órt sóndirýshiler ǵımarattyń jetinshi qabatynyń syrtqy qaptamasy órtengenin anyqtady. Órt týraly bizge saǵat 16.18-de habar kelip tústi", - delingen TJD baspasóz qyzmeti bergen aqparatta.