QTJ-da ámbabap kólik operatory qurylmaq

ASTANA. 24 qyrkúıek. QazAqparat - «Qazaqstan temir joly» AQ (QTJ) mýltımodaldi operator qurýda. Qurylym temirjol, teńiz, avtotasymal salalaryn, aılaq ınfraqurylymy men termınal jelilerin bir ortaǵa shoǵyrlandyrmaq.

QTJ bul týraly kólik logıstıkasy máseleleri jónindegi jumys tobynyń qorytyndysynan keıin taratty, dep habarlaıdy Halyqtyq IPO baǵdarlamasynyń resmı saıty.

Kólik logıstıkasy nysandaryn basqarý úshin Dubai Port World jáne Swissport syndy tanymal halyqaralyq operatorlar tartylady. Alǵashqysy Aqtaý teńiz aılaǵyn, al ekinshisi áýejaılardy basqarýmen aınalysady. Sonymen qatar «Tranzıt jáne mýltımodaldik tasymaldaý týraly» QR zańynyń jobasyna usynystar ázirleý jáne engizý, sondaı-aq «Qorǵas-Shyǵys qaqpa» AEA» AQ jobalaryn iske asyrý máseleleri boıynsha jumys tobyn qurý týraly sheshim qabyldandy. Bul usynystar Qazaqstannyń «KAZLOGISTICS» kólik odaǵy prezıdıýmynyń qaraýyna engiziletin bolady, odan keıin Úkimet pen Kólik jáne kommýnıkatsııa mınıstrliginiń qaraýyna shyǵarylady.

«Qazaqstan temir joly» AQ «Halyqtyq IPO» baǵdarlamasy aıasynda atsııalaryn ornalastyrý josparlanyp otyrǵan memlektttik kompanııalar tizimine kiredi.