QTJ birqatar halyqaralyq kelisimge qol qoıdy

<p>Prezıdent Qasym-Jomart Toqaevtyń Qytaıǵa resmı sapary aıasynda &laquo;Qazaqstan temir joly&raquo; UK&raquo; AQ delegatsııasy birqatar halyqaralyq is-sharalarǵa, onyń ishinde &laquo;Bir beldeý, bir jol&raquo; úshinshi halyqaralyq forýmyna qatysty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Samuryq-Qazyna» qory baspasóz qyzmetiniń málimetinshe, Qytaı temir joldarynyń basshylarymen, CRRC, Huawei, «Lıanıýngan porty» MK» JShQ jáne basqa seriktestermen kezdesý ótkizildi. Birqatar qujatqa qol qoıyldy, sonyń ishinde: qytaılyq eń iri CRRC korporatsııasymen lokomotıvterdi satyp alý týraly negizdemelik kelisim jáne «Lıanıýngan porty» MK» JShQ-men yntymaqtastyq týraly kelisim.

Kezdesý barysynda 10 jyldyǵy bıyl atalyp ótip jatqan «Bir beldeý, bir jol» bastamasynyń negizgi býynyna aınalǵan Qazaqstannyń strategııalyq róli erekshe pash etildi. 

Foto: «Samuryq-Qazyna» Qorynyń resmı

Osy onjyldyqta Qazaqstan men Qytaı arasyndaǵy konteınerlik júk aınalymy 6,5 mln konteınerden asty. Bul rette Qytaı - Eýropa - Qytaı baǵytyndaǵy kólem 100 eseden astam ósti (2013 jylǵy 7,6 myń konteınerden 2022 jyly 790 myń konteınerge deıin).