QTJ bıyl taǵy 50 jolaýshylar vagonyn satyp alady

ASTANA. QazAqparat - «Qazaqstan temir joly» birinshi jartyjyldyqty qorytyndylady, dep habarlaıdy QazAqparat.

Bıylǵy 6 aıda tarıftik júk aınalymy 130,4 mlrd t-km netto boldy, bul ótken jylǵy deńgeıden 8,6%-ke joǵary.

Tranzıttik júk aınalymy 39,1%-ke ósip, 27,8 mlrd tonna-kılometr nettoǵa jetti.

Konteınerlik tranzıt 26%-ke ósti. Qazaqstannan Qytaıǵa eksport júgin tasymaldaýda ósim boldy.

Kólemi 5,7 mln tonnadan asty. Bul ótken jylǵy deńgeıden 27%-ke artyq.

Jolaýshylar aınalymy 5,7 mlrd jolaýshy-km qurasa, bul 2022 jylǵydan 1,2% joǵary.

Esepti kezeńde shamamen 600 km temir jol jóndeldi, bul ótken jylǵy kezeńnen 100 km artyq.

2023 jyly 1 126 km magıstralda jóndeý jumysynyń barlyq túri josparlanǵan.

Dostyq – Moıynty ýchaskesinde ekinshi joldyń qurylysy qarqyndy júrip jatyr.

Jyljymaly quram parki jańardy. 36 lokomotıv, 48 fıtıngtik platforma jáne 14 jolaýshylar vagony satyp alyndy.

Jyl sońyna deıin taǵy 139 lokomotıv, 620 júk jáne 50 jolaýshylar vagony jetkiziledi.

Kompanııada qozǵalys qaýipsizdigin qamtamasyz etý jáne eńbekti qorǵaý máselesine erekshe nazar aýdarylady. Qozǵalys qaýipsizdigin buzǵany úshin tıisti tártiptik jaza qoldanylyp, jaýapty basshylar laýazymynan bosatyldy.

Óndiristik qaýipsizdiktiń nasharlaýy alańdaýshylyq týdyryp otyr.