QTJ bılet satatyn mobıldik qosymshany iske qosty
11:30, 13 Jeltoqsan 2017
ASTANA. QazAqparat - «Qazaqstan temir joly» UK» AQ rail-travel.kz portalynan ktjportal uıaly telefon baılanysyna arnalǵan qosymshasyn ashty, dep habarlaıdy QazAqparat kompanııanyń baspasóz qyzmetine silteme jasap.
Kompanııa qosymsha arqyly jolaýshyǵa tolyq aqparat usynyp, elektrondy temirjol bıletin satady.
«Paıdalanýshy poıyzǵa bılet alýdyń elektrondyq jáne elektrondyq tirkelýsiz bılet alý, bos oryn bolmaǵanda kútý paraqshasynan oryn alýǵa, buryn satyp alynǵan bıletti qaıtarý týraly aqparattarmen tanysa alady. Stansadaǵy poıyz kestesin bile alady. Dıskont kartasyn paıdalanýǵa, bir tapsyryspen aq eki baǵyt boıynsha da bılet resimdeýge, tańdaǵan baǵdaryndaǵy jolaýshylar vagonyn sapasy týraly aqparat alýǵa bolady», delingen habarlamada.
Budan basqa, paıdalanýshyǵa poıyzdaǵy qyzmet kórsetý men vagon sapasyn baǵalaýǵa múmkindik berilgen.