QTJ Alakólge qatynaıtyn «Talgo» poıyzyna bılet nege satylmaı jatqanyn túsindirdi

NUR-SULTAN. QazAqparat – «Almaty-Dostyq» baǵyty boıynsha Alakólge qatynaıtyn «Talgo» poıyzynyń bıletteri osy aptanyń sońyna deıin satylymǵa shyǵýy múmkin. Bul týraly QazAqparat tilshisine «Qazaqstan temir joly» ulttyq kompanııasynyń baspasóz qyzmeti málim etti, dep habarlaıdy QazAqparat tilshisi.

Jyldyń basynda kúnara №211/212 «Almaty-Dostyq» jáne aptasyna úsh ret №453/454 «Almaty-Dostyq» qosymsha eki «Talgo» poıyzy iske qosylatyny belgili bolǵan-dy.

Alaıda búgin «Atameken» ulttyq kásipkerler palatasynyń resmı saıtynda Alakól baǵytynda ýáde etilgen «Talgo» poıyzyna bıletter áli satylmaı jatqany týraly aqparat jarııalandy.

Ulttyq kompanııa bul málimetti rastady.

«Bul baǵytta ádettegi poıyzdar kedergisiz júrip jatyr jáne bılet bar. Al «Talgo» poıyzyna ázirge bılet satylyp jatpaǵany ras. Buıyrtsa osy aptanyń sońynda ashylady dep otyrmyz. Sol jospar boıynsha 15-16 maýsymnan bastap «Talgo» qatynaı bastaıdy. Bul týraly buǵan deıin de habarlaǵanbyz. ıAǵnı, jospar boıynsha, «Talgo» poıyzyna bıletter aptanyń sońyna deıin satylymǵa shyǵady», - dedi kompanııanyń baspasóz hatshysy Mádı Muhamedqalı.

Eske salsaq, 27 maýsymda «Qazaqstan temir joly» bıyl jazda Alakólge eki jolaýshylar poıyzy qatynaıtynyn habarlaǵan edi.