KSRO-nyń «Halyq ártisi» ataǵy úshin beriletin ústemaqy 2 ese ulǵaıady

ASTANA. QazAqparat – «Memlekettik bıýdjet qarajaty esebinen ustalatyn uıymdar men qazynalyq kásiporyndardyń qyzmetkerlerine eńbekaqy tóleý júıesi týraly» QR Úkimetiniń qaýlysyna ózgeris engizilmek. Qujat «Ashyq» NQA portalynda jarııalandy, dep habarlaıdy QazAqparat tilshisi.

«Burynǵy Keńestik Sotsıalıstik Respýblıkalar Odaǵynyń «Halyq» degen qurmetti ataǵy bar jáne respýblıkanyń qurmetti ataqtaryna ıe bolǵan qyzmetkerlerge bazalyq laýazymdyq aılyǵynyń 100% mólsherinde ústemeaqy tólenedi», - delingen jańa redaktsııada.

Aıta keteıik, qoldanystaǵy tártip boıynsha mundaı qurmetti ataǵy bar azamattarǵa óz jalaqysynyń 50% kóleminde ústemaqy beriletin. Endi onyń mólsheri 100%, ıaǵnı tolyq aılyq mólsherine deıin kóterilmek.

Qaýly jobasyn ashyq talqylaý 10 aqpanǵa deıin jalǵasady.