Kishkentaı astanalyqtarǵa tól merekesinde tanymdyq saıahat uıymdastyryldy
Merekeniń negizgi alańy retinde Keleshektiń energııasy mýzeıi tańdalypty.
Qalypty kúnderi aqyly mýzeı bul kúni balalarǵa tegin boldy.
Balalar ondaǵy eksponattar men ınteraktıvti qurylǵylar, vırtýaldy álem bólshekteri arqyly jasyl tehnologııalardyń mánin túsinýge múmkindik aldy.
Balalar mýzeıdegi saıahattan ornyqty energııa degenniń ne ekenin túsiný arqyly ózderine arnalǵan is-sharadan kóńil kóterip qana qoımaı, tanym kókjıegin keńeıtip qaıtty.
Mýzeıdegi tanymdy saıahat «Baqytty balalyq shaq» atty merekelik kontsertke ulasty. Sahanaǵa balalardyń shyǵarmashylyq ujymdary shyǵyp, zamandastaryna án men bıden syılyq jasady.
Jas kórermender ásirese «Kórkem-aı», «Tumar», «Bastaý» bı ansamblderiniń, Aqmaral Dáýlet pen Gúlnaz Ermekova sııaqty ánshilerdiń ónerine tánti boldy.
— QazExpoCongress jyl saıyn osy merekeni erekshe stsenarıımen uıymdastyryp, balalarǵa merekelik kóńil kúımen qatar mýzeıdegi saıahat arqyly paıdaly bilim de darytýǵa tyrysady. Jaı kúnderi mýzeıimizge 1500-2000 myń adam keledi. Al búgin kelýshilerdiń sany áldeqaıda kóp, — deıdi QazExpoCongress ulttyq kompanııasynyń baspasóz hatshysy Gúljan Sergebaeva.
Sondaı-aq, ol mýzeıdiń birinshi qabatynda etnograf-kollektsıoner Bahargúl Tólegenniń «Jaýhar jádiger» atty turaqty kórmesi jaıǵasqanyn aıtty.
Ondaǵy buıymdar kóshpeli órkenıettiń san ǵasyrlyq tarıhynan syr shertetinin aıtady.
EXPO kesheninde búgin rolıkke áýes balalarǵa arnalǵan rollerdrom ashyldy.
Al saıabaqtyń oıyn alańy erekshe balalardyń oınaýyna da qolaıly etip jasalǵan.
Jalpy búgin keshenniń aýmaǵynda balanyń asyr salǵan kúlkisi ústemdik etip turdy.