Kishi Almaty ózeni basseıninde qar kóshkini júrdi

<p>ALMATY. KAZINFORM &ndash; Kishi Almaty ózeniniń basseınin tekserý barysynda &laquo;Qazseldenqorǵaý&raquo; memlekettik mekemesiniń mamandary qar kóshkininiń ózdiginen júrýin anyqtady.&nbsp;</p>

Qalalyq TJD-nyń málimetinshe, kóshkin qaýpi bar aımaqqa demalýshylar men týrısterdiń barýyn shekteý úshin polıtsııa departamenti tarapynan blokbeketter qoıyldy. Sondaı-aq Kishi Almaty ózenderiniń basseınderindegi kóshkin qaýpi bar ýchaskelerge avtokólikterdiń ótýine de shekteý qoıyldy. 

«Jalpy kólemi 450 m3 bolatyn úsh qar kóshkini anyqtaldy. Qar kóshkinderi joldar men nysandardan alys, jetýge qıyn jerlerde júrdi. Qaza tapqandar men zardap shekkender bolǵan joq», - dep habarlady Almaty qalalyq TJD-nyń baspasóz qyzmeti.

Osyǵan baılanysty Almaty qalalyq TJD men «Qazseldenqorǵaý» mekemesi Qazgıdromettiń jaýyn-shashyn týraly boljamyna baılanysty týrıster men qala qonaqtaryna aldaǵy kúnderi taýǵa shyǵýdan bas tartýǵa keńes berdi. 

Eske salaıyq, 13-15 naýryz kúnderi Úlken jáne Kishi Almaty ózenderinde qar kóshkini júrýi múmkin ekenin habarlaǵanbyz.