Ksenııa Sobchak Astana ekonomıkalyq forýmyna qatysady

ASTANA. QazAqparat - 2018 jyly Reseı prezıdenti saılaýynda úmitker bolǵan tanymal tele jáne radıo júrgizýshi Ksenııa Sobchak Global Challenges Summit-ke (Astana ekonomıkalyq forýmy - 2018) qatysady, dep habarlaıdy QazAqparat tilshisi.

Ksenııa Sobchaktyń aty-jóni  forýmnyń resmı saıtyndaǵy spıkerler arasynda júr.

«2017 jylǵy 23 jeltoqsannan bastap  «Azamattyq bastama» partııasy saıası keńesiniń múshesi. 1998 jjyly Sobchak Sankt-Peterbýrg qalasyndaǵy  halyqaralyq qatynastar ýnıversıtetine túsken. Reseı astanasyna kóshýine oraı ol MMHQI aýysyp, ony sátti bitirip, magıstr dárejesin aldy. Dıplomdyq jumysynyń taqyryby «Reseı men Frantsııa prezıdenttik rejimine taldaý» boldy. Sobchak sol kezden saıasatqa, memlekettik basqarýǵa qatystynyń bárine qyzyǵýshylyq tanytty. Búgin Reseı prezıdenttigine kandıdat «Sobchak jıvem» baǵdarlamasyn jáne basqa da túrli is-sharalardy júrgizedi, kitaptar jazady, fılmderge túsedi, L'Officiel frantsýz jýrnalynyń bas redaktory»,  - delingen forýmnyń resmı saıtynda.

Buǵan deıin habarlaǵanymyzdaı, Global Challenges Summit 2018 taqyrybymen 17-19 mamyr kúnderi ótetin XI Astana ekonomıkalyq forýmyna qatysatyn sıkerlerdiń sany rekordtyq kórsetkishke jetedi.

Olardyń qatarynda Sammıt spıkerleri qatarynda Frantsııanyń burynǵy prezıdenti Olland Fransýa, fızık, fýtýrolog Mıtıo Kaký, Halyqaralyq olımpıada komıtetiniń Etıka jónindegi komıssııasynyń tóraǵasy jáne BUU-nyń burynǵy Bas hatshysy Pan Gı Mýn, Golman Sachs burynǵy tóraǵasy Djım O'Nıl jáne basqa da tanymal adamdar bar.