Ksellge aıyppul salynatyn boldy
«Tutynýshy shaǵymyna «Ksell» AQ-nyń «Alǵa-1» tarıftik jospar boıynsha ınternetke qol jetkizý lımıtinen asyp túskennen keıin 30 myńnan astam teńgeni esepten shyǵarý jáne ınternetke qol jetkizý úshin 1 Mb úshin 20 teńge tarıf boıynsha tólemaqy ala bastaý týraly tutynýshyǵa habarlamaý áreketteri sebep bolǵan», - delingen mınıstrliktiń Feısbýktegi paraqshasynda.
Tergep-tekserý qorytyndysy boıynsha «Ksell» AQ-nyń áreketterinde ústem jaǵdaıdy óz paıdasyna jaratý faktileri tirkelgen. Naqtyraq aıtqanda, operator tarıftik josparlardy merziminen buryn qaıta qosýda, abonentte kórsetiletin qyzmetterdiń bonýstyq toptamasy aıaqtalǵan kezde abonenttiń múmkindigin shekteı otyryp, neǵurlym joǵary tarıfteýge ótý týraly aqparatty abonentke habarlamaǵan. Sondaı-aq, tarıftik josparlardyń eleýli sharttary týraly abonentterdi tıisinshe habardar etpeý sekildi olqylyqtarǵa jol bergen.
Tergep-tekserý qorytyndysy boıynsha «Ksell» AQ-ǵa qatysty ákimshilik is qozǵalyp, materıaldar sotqa qaraý úshin jiberildi.
«Ústem jaǵdaıdy teris paıdalanǵany úshin tergep-tekserý obektisine monopolıstik qyzmetti júzege asyrý nátıjesinde alynǵan kiristiń 5 paıyzy mólsherinde aıyppul salynady. Budan basqa, «Ksell» AQ-ǵa Kásipkerlik kodekstiń normalaryn buzýshylyqtardy toqtatý jáne tutynýshylarǵa qarajatty qaıtarýdy qosa alǵanda, olardyń saldarlaryn joıý týraly nusqama shyǵaryldy», - delingen habarlamada.
Eske sala ketsek, Almaty qalasy ákimshilik soty 2015 jyly da «Ksell» AQ-ǵa somasy 252 660 251 teńge aıyppul salǵan bolatyn.