Kselldiń 5G kartasyna jańa qala – Qonaev qosyldy
Besinshi býyn baılanys standarty abonentterdiń úırenshikti ómirin ózgertip, bıznes úshin jańa múmkindikterge jol ashýda. Bul mobıldi operatorlar úshin 5G jelisiniń qamtý aımaǵyn keńeıte túsýge, jáne jańa jelini qostyrýdy neǵurlym jeńildetýge yntalandyrady. Kcell Auleti de osyndaı jobalardyń biri.
«Kcell Auleti» jobasy naryqta bar bolǵany eki aı: degenmen qurylǵyǵa suranys joǵary. Roýterge aldyn-ala tapsyrys berý kezeńinde 2 myńnan astam áleýetti abonentterden qostyrý jóninde ótinim kelip túsken. Búginde - bul Astana, Almaty jáne Shymkenttegi tanymal qyzmetterdiń biri, munda turǵyndar men bıznes ókilderi Kcell Auleti-n belsendi túrde qostyryp, barlyq zamanaýı telekom-qyzmetterdi jáne tsıfrlyq servısterdi joǵary jyldamdyqta, kidirissiz paıdalanyp keledi. Kompanııa ókilderi 5G jelisiniń qamtý aımaǵy keńeıgen saıyn qyzmettiń sapasy men jyldamdyǵy artyp, jańa standart elimizdiń basqa qalalaryna da belsendi enetinine senimdi.
«Kcell Auleti-ne qazir qatardaǵy azamattar ǵana emes, kásipkerler de óz keńselerine, dámhanalar men meıramhanalarǵa belsendi tapsyrys berip jatyr. Máselen, jaqynda ǵana biz qyzmetti Almatynyń tanymal kofehanalarynyń birinde ornattyq, bul jerge frılanserler tamaqtaný úshin ǵana emes, sonymen qatar joǵary jyldamdyqta jumys isteý, iskerlik kezdesýler ótkizý úshin arnaıy keletinin baıqadyq. Taǵy bir keıs - medıtsınalyq ortalyq, onda 5G tehnologııasynyń arqasynda dáriger óńirdegi syrqattardy qashyqtan qarap, óz em sharasyn taǵaıyndaýǵa múmkindik alǵan. 5G baılanys jabyny aımaǵynyń keńeıýimen Kcell Auleti paıdalanýshylarynyń qatary da geometrııalyq progressııada ósetinine senimdimin», - dep atap ótti «Ksell» AQ basqarma tóraǵasy Ashat Ózbekov.
Aıta keteıik, 5G jelisin páter ıeleri úshin qoljetimdi etýde «Ksell» alǵashqy qadamdy jasady. Besinshi býyn standartyndaǵy roýterdi qosý tásili qarapaıym, ol úshin keńsege baryp qajet emes. Onlaın rejımde jáne qosymsha qujattarsyz, bıometrııa arqyly ótinishke qol qoıý jáne qajetti toptamany tańdaý jetkilikti. Ári qaraı kompanııa ókilderi roýterdi tikeleı úıge jetkizedi. Kcell Auleti óniminiń taǵy bir artyqshylyǵy - qyzmetti qostyrý úshin sheberler komandasy qajet emes, roýter eshbir symsyz jáne sáıkesinshe qabyrǵalardy burǵylap testirmeı-aq ornatylady. Áleýetti klıent daıyn ónimdi jaı ǵana qoraptan shyǵaryp alyp, paıdalana bastaıdy.
«Kcell Auleti paıdalanýshylary erkindikti baǵalaıtyndar der edim, eshbir symsyz ornatylǵanynan bólek bul páterge baılanbaıtyn qurylǵy. Eger bizdiń klıent kez kelgen ýaqytta basqa páterge kóshkisi kelse, onda roýterdi jáı ǵana rozetkadan aǵytyp, ózimen birge jańa úıine alyp kete alady. Munyń bári qazirgi turmysta úlken mánge ıe: eń aldymen bul ýaqyt pen júıkeni únemdeıdi. Túrli onlaın-servıster bizdiń ómirimizge belsendi túrde kirdi, keıde olarsyz biz bos ýaqytymyzdy elestete almaımyz. Óıtkeni, búgin birneshe mınýtta jáne bir-eki pernemen adam qolaıly ýaqytta qajetti nárseniń bárin alady. Endi bul tsıfrlyq qyzmetter men servısterdiń tiziminde Kcell Auleti jobasy da bar», - dedi 5G Kcell jobasynyń dırektory Magometgıreı Katıev.
Esterińizge sala keteıik, el Úkimeti 2024-2027 jyldarǵa arnalǵan «Qoljetimdi ınternet» ulttyq jobasyn bekitti, bul symdy jáne symsyz baılanys ınfraqurylymyn damytý esebinen qazaqstandyqtardy ınternetke 100 Mbıt/s kem emes jyldamdyqpen keń jolaqty qoljetimdilikpen qamtamasyz etýge baǵyttalǵan. Joba aýylda talshyqty-optıkalyq baılanys jelileriniń tarmaqtalǵan jelisin salýǵa, jáne 5G jelisin odan ári óristetýge basa nazar aýdarylady.
Aıta keteıik, búgingi tańda tek Ksell ǵana búkil el boıynsha jańa tehnologııa boıynsha 400-den astam bazalyq stantsııa ornatty jáne shamamen 400 myń adam besinshi býynnyń uıaly baılanysyna qol jetkize alady. 2025 jyldyń sońyna deıin 5G tehnologııasyn barlyq respýblıkalyq mańyzy bar qalalar men oblys ortalyqtarynda engizý josparlanýda.