Kronavırýstan qalaı qorǵaný kerek: Aleksandr Lýkashenko keńes berdi
«Biz myna jaǵdaıdy erekshe eskerýimiz kerek – qoldaryńyzdy únemi jýyp, kóshede tanymaıtyn adamdarmen qushaqtasyp, amandaspańyzdar. Men jeke gıgıena týraly aıtyp turmyn. Qalǵanynyń barlyǵyna Densaýlyq saqtaý mınıstrligi jaýap beredi. Barlyǵy ózimizge baılanysty. Sondyqtan, ózderińizdi, balalardy, ásirese kishkentaı balaqaılardy qaýip-qaterden saqtańyzdar. Memleket tarapynan tıisti sharalar qabyldanady», - dedi Belarýs prezıdenti.
Aleksandr Lýkashenko Belarýste Reseıdegideı dúrlikpe jaǵdaılardyń bolmaǵanyn, jappaı medıtsınalyq maskalar satyp alynbaǵanyn atap ótti.
«Eshkim de dúrligip, júgirip júrgen joq. Qazirgi ýaqytta adamdardyń qaýipsizdigin saqtaý baǵyttarynda jumystar atqarylýda. Koronavırýs juqtyrǵan adamdardy oqshaýlandyryp, emdeımiz. Alaıda bizde ondaı fakti tirkelgen joq», - dep túıindedi Aleksandr Lýkashenko.