«Krokýs»-tegi terakt. Kinálilerge qatysy bar sheteldikter 15 jylǵa sottalýy múmkin

<p>ASTANA. KAZINFORM &mdash; Ystanbul prokýratýrasy Crocus teraktisiniń kinálilerine qatysy bar bes sheteldikti 7,5 jyldan 15 jylǵa deıin bas bostandyǵynan aıyrýdy surap otyr, dep habarlaıdy Anadoly agenttigi.</p>

Túrkııada ustalǵan sheteldikter Krokýstaǵy lańkestik áreketti jasaǵandarǵa nusqaý berip, olarǵa 800 myń rýbl jáne jańa tólqujat berýge ýáde etken kórinedi.

Eske sala ketsek, 22 naýryz kúni Reseı astanasy Máskeýdiń soltústik-batysyndaǵy «Crocus City Hall» kontsert zalynda atys bolyp, kamýflıaj kıgen adamdar oq jaýdyrǵan edi.

Ókinishke qaraı, oqıǵa saldarynan 150-den astam adam jaraqat alyp, 100-den astam adam mert boldy.

Qazaqstan prezıdenti lańkestik áreket kezinde azamattardyń qaza tabýyna baılanysty Reseı prezıdenti Vladımır Pýtınge kóńil aıtqanyn jazǵan edik.

Sondaı-aq, memleket basshysy Qasym-Jomart Toqaev Reseıdegi lańkestik oqıǵaǵa baılanysty qabyldanatyn sharalar týraly Qaýipsizdik keńesiniń múshelerimen shuǵyl jıyn ótkizgeni málim boldy.