Krıstalına Georgıeva Halyqaralyq valıýta qorynyń basshysy laýazymyna jalǵyz úmitker atandy

<p>ASTANA. KAZINFORM &ndash; Halyqaralyq valıýta qorynyń (HVQ) basqarýshy dırektory laýazymyna jalǵyz úmitker HVQ-nyń qazirgi basshysy Krıstalına Georgıeva boldy, dep habarlady <a href="https://www.imf.org/en/News/Articles/2024/04/04/pr24106-imf-executive-board-statement-managing-directors-selection-process" target="_blank" rel="noopener">IMF</a>.</p>

«3 sáýirde Halyqaralyq valıýta qorynyń basqarýshy dırektory laýazymyna kandıdattardy usyný protsesi aıaqtaldy. Bir kandıdat usynyldy, ol HVQ-nyń qazirgi basqarýshy dırektory Krıstalına Georgıeva», - delingen HVQ baspasóz habarlamasynda.

Jaqyn arada Georgıeva men HVQ atqarýshy dırektorlary arasyndaǵy kezdesýler ótedi jáne bul protsesti «múmkindiginshe tezirek, 2024 jyldyń sáýir aıynyń sońyna deıin» aıaqtaý josparlanýda.

Krıstalına Georgıeva – bolgarııalyq ekonomıst jáne Dúnıejúzilik banktiń burynǵy bas atqarýshy dırektory. Ol bul qyzmetti 2017 jyldyń qańtarynan beri atqaryp keledi. 2019 jyldyń 1 qazanynan bastap – HVQ basqarýshy dırektory. Onyń ókilettigi 2024 jyldyń qyrkúıeginde aıaqtalady.

Bloomberg buǵan deıin Georgıeva Eýropalyq Odaqtyń qarjy mınıstrleriniń qoldaýyna ıe bolǵanyn habarlady.

Halyqaralyq valıýta Qory – basty keńsesi Vashıngtonda ornalasqan Birikken Ulttar Uıymynyń mamandandyrylǵan mekemesi. 1946 jyldan bastap HVQ basshysy árqashan Eýropanyń ókili boldy.