Krıshtıaný Ronaldýdyń Instagram jelisinde jazylýshylar sany 600 mıllıonǵa jetti

ASTANA. QazAqparat - «Al-Nasr» klýbynyń portýgaldyq juldyzdy fýtbolshysy Krıshtıaný Ronaldý Instagram jelisinde jazylýshylar sany 600 mıllıonǵa jetken alǵashqy adam boldy, dep habarlaıdy QazAqparat tilshisi.

Jyldan-jylǵa 38-jastaǵy shabýylshynyń tanymaldyǵy artyp keledi. Onyń «Manchester ıÝnaıted» klýbynan Saýd Arabııasy chempıonatyna aýysýy fýtbolshynyń Instagram jelisindegi jazylýshylar sanyn 100 mln adamǵa arttyrdy.

Bul jóninen reıtıng boıynsha ekinshi orynda «Inter Maıamı» sapynda oınaıtyn argentınalyq Lıonel Messı tur. Oǵan atalǵan áleýmettik jelidegi paraqshasyna 483 mln adam jazylǵan.

Ótken demalys kúnderinde Krıshtıaný Ronaldý Taıaý Shyǵystaǵy alǵashqy trofeıine qol jetkizdi. Ol óz komandasy quramynda Arab chempıondary kýbogynyń ıegeri atandy.

Ol «Al-Nasr» quramynda «Al-Hılal» klýbyna qarsy bir fýtbolshy kem oınaǵanyna qaramastan qos goldyń avtory atandy. Bul portýgaldyq juldyzdyń óz mansabyndaǵy 33-shi trofeıi bolyp otyr. Onyń 31-i klýbtyq deńgeıde qol jetkizse, ekeýin ulttyq qurama sapynda baǵyndyrdy.

Chempıondyq trofeıden ózge Ronaldý týrnırdiń úzdik bombardıri retinde «Altyn býtsyǵa» ıe boldy. Onyń enshisinde alty kezdesýden keıin alty gol bar. Odan keıingi orynda úsh golmen «Al-Ittıhad» shabýylshysy Karım Benzema tur.

Eske salsaq, budan buryn aǵylshyn fýtbolshysy Garrı Keın 100 mln eýroǵa «Bavarııaǵa» aýysty.