Krıshtıaný Ronaldýdyń YouTube-kanaly álemdik rekord ornatty
Sársenbi kúni Saýd Arabııasynyń «Al-Nasr» klýbynyń shabýylshysy YouTube-kanal ashqan edi. Alǵashqy mıllıon jazylýshy nebári bir jarym saǵatta jınaldy. Qazirgi ýaqytta olardyń sany 12 mıllıonǵa jýyqtady. Al 2022 jylǵy álem chempıony Lıonel Messıdiń 2006 jyly qurylǵan YouTube-kanalynda nebári 2,2 mln jazylýshy bar.
Aıta ketsek, 39 jastaǵy Krıshtıaný Ronaldý «Altyn doptyń» bes dúrkin ıegeri, bes márte Chempıondar lıgasynda kýbokty tóbesine kóterdi. Sondaı-aq ol Eýropa chempıony, Ulttar Lıgasynda jeńimpaz boldy.
Portýgalııalyq shabýylshy ulttyq qurama, Eýropa chempıonaty, Chempıondar lıgasy, klýbtar arasyndaǵy álem chempıonaty tarıhynda úzdik surmergen atanǵan.
Fýtbolshy mansabynda Ispanııanyń «Real Madrıd», Anglııanyń «Manchester ıÝnaıted», Italııanyń «ıÝventýs» jáne Portýgalııanyń «Sportıng» klýbynda oınady.
2022 jyldyń jeltoqsan aıynan Saýd Arabııasynyń «Al-Nasr» klýbynyń namysyn qorǵaıdy. 2023 jyldyń tamyz aıynda ol atalǵan komanda sapynda Arab elderi Chempıondary kýbogyn ıelendi.