Krıshtıaný Ronaldý Túrkııamen matchta birden 4 rekord jańartty

<p>ASTANA. KAZINFORM — Krıshtıaný Ronaldý fýtboldan 2024 jylǵy Eýropa chempıonatynda Portýgalııa quramasynyń Túrkııamen kezdesýinde birden 4 rekord ornatty.</p>

Portýgalııa quramasynyń juldyzdy shabýylshysy álemdik fýtboldaǵy kóptegen mamandar men óz jankúıerlerin kóptegen jetistigimen qýantyp keledi. 

Qurlyqtyq dodanyń 2-týryndaǵy Túrkııamen kezdesýinen (3:0) keıin 39 jastaǵy fýtbolshy tórt birdeı rekord ornatty. 

Portýgalııa quramasynyń kapıtany atalǵan oıynda jasyl alańǵa alǵashqy mınýttan shyqty.

Osylaısha óz quramasy sapynda 19 oıyn qatarynan qurlyqtyq doda kezdesýine qatysqan alǵashqy fýtbolshy atandy. 

Bul jóninen ol ıtalıandyq qorǵaýshy Leonardo Bonýchchıdi artqa qaldyrdy. Italıan fýtbolshysy Eýropa chempıonatynda 18 oıyn qatarynan jasyl alańǵa shyqqan edi. 

Sondaı-aq portýgalııalyq shabýylshy óz mansabynda qurlyqtyq dodanyń fınaldyq satysynda 27 oıynyn ótkizdi.

Jalpy, ol ulttyq qurama sapynda 2003 jyldan beri 209 kezdesýde 130 gol soǵyp úlgerdi.

Oǵan qosa portýgalııalyq quramanyń kóshbasshysy Eýropa chempıonaty tarıhynda úzdik assıstent ataǵyna laıyq dep tanyldy. 

Túrkııamen oıynda ol Brýný Fernandeshke nátıjeli pas shyǵaryp berdi. Bul — qurlyqtyq dodanyń fınaldyq satysyndaǵy 27 oıynynda jetinshi nátıjeli pasy.

Ol buǵan deıingi Chehııa quramasynyń oıynshysy Karela Poborskıdiń (6 nátıjeli pas) rekordyn jańartty.

Taǵy aıta keterligi, Krıshtıaný Ronaldý Eýropa chempıonatyndaǵy on tórtinshi jeńisine qol jetkizdi.

Ol da Eýropa chempıonatyndaǵy rekordtyq kórsetkish sanalady.