Krıshtıaný Ronaldý sport jolyndaǵy 850-inshi golyn soqty
10:21, 03 Qyrkúıek 2023
ASTANA. QazAqparat – Portýgalııa men saýdııalyq «Al-Nasr» klýbynyń shabýylshysy Krıshtıaný Ronaldý kezekti rekordyn ornatty, dep habarlaıdy QazAqparat tilshisi.
Shampionat.com saıtynan alynǵan málimetke qaraǵanda, Saýd Arabııasy chempıonatynyń 5-týrynda «Al-Nasr» syrt alańda «Al-Hazm» klýbyn 5:1 esebimen oısyrata utty.
Osy kezdesýde Ronaldý qarsylas komanda qaqpasynyń kiltin taýyp, eki nátıjeli pas berdi. Bul onyń sporttyq jolyndaǵy 850-inshi goly edi. Sóıtip ol óziniń rekordyn jańartty.
Ronaldý «Al-Nasr» klýbyna bıylǵy qańtarda aýysqan edi. Jańa maýsymda ol tórt oıynǵa qatysyp, 6 gol soǵyp, 4 nátıjeli pas berip úlgerdi.
Eske sala keteıik, budan buryn Krıshtıaný Ronaldýdyń ulttyq chempıonatta gol soǵý jóninne álemdik rekord ornatqanyn jazǵan bolatynbyz.