Krıshtıaný Ronaldý Saýd Arabııasynyń fýtbolyna qandaı ózgeris ákeldi
Shampionat.com saıtynan málim etkenindeı, osy merzim ishinde Ronaldý jańa komandasy sapynda alańǵa shyǵyp, gol da soǵyp úlgerdi. Áıtse de onyń Saýd Arabııasyna kelýi ázirge kópshilik kútkendegideı, nátıje bere qoıǵan joq.
Ronaldý jankúıerleri qaı jerde de jetkilikti álemdik deńgeıdegi juldyz bolsa, Saýd Arabııasy osyndaı qadamdarmen týrısterdi kóbirek tartqysy keledi. Koroldik 2030 jylǵa qaraı 100 mln adamdy tartyp, týrısterdi kóp qabyldaıtyn álemdegi bes jetekshi eldiń qataryna qosylýdy kózdeýde.
Ronaldýmen kelisimge qarsylar oǵan orasan zor qarjynyń jumsalýy ózin-ózi aqtamaıdy dep biledi. Ásirese, olardyń daýystary portýgalııalyq juldyzdyń «Al-Nasr» oıynyn keremetteı jaqsarta qoımaǵannan keıin qatty estile bastady. Degenmen Ronaldýdyń fýtbol elshisi retindegi mıssııasyn jaqtaıtyndar da az emes. Olar bir ǵana aıdyń ishinde klýbtyń naryqtaǵy baǵasy 80 mln eýroǵa nemese 34 paıyzǵa óskendigin alǵa tartady, bul Saýdııa birinshiligindegi qarsylastarynyń bárinen kóp. Ronaldýdyń transferi tabys ákelýmen qatar jańa oıynshylardyń kelip, demeýshiliktiń artyp, kórermender qatarynyń molaıýyna áser etedi degen úmit bar. Mysaly, «Al-Nasr» dúkeninde kún saıyn arqasynda «Ronaldý» degen jazýy bar 400 fýtbolka satylady eken. Onyń baǵasy arzan emes, 100 dollar. Sol sekildi Ronaldý kelgennen keıin atalmysh klýbtyń áleýmettik jelidegi paraqshasyna jazylǵandar sany bir aıda 12 mln adamǵa ósken.
Saýd Arabııasynyń chempıonatyn álem elderi teledıdarlarynan kórsete bastaýy da – ıgi betburystyń biri. Qańtar aıynyń ortasynda PRO-lıga dúnıejúzilik naryqta medıaquqyqty satýǵa septesetin IMG agenttigimen kelisimge otyrǵan. Qazirdiń ózinde kóptegen elderde, birinshi kezekte Portýgalııa, Ispanııa, Qytaı, Taıland jáne Indonezııada 37 telearna Saýdııa lıgasynyń matchtaryn kórsetýde. Bul basy ǵana. Lıga telekórsetilimder úshin qosymsha suranystar alýda. Portýgalııanyń Sport TV telearnasy «Al-Nasrdyń» árbir oıynyn kórsetýde. Italııada SportItalia telekórsetilim ǵana emes, komanda men birinshilik týraly reportajdar serııasyn usynbaqshy.
Ronaldýdyń kelýine baılanysty birinshilik basshylyǵy da ózgerdi. Buryn Nike, «Manchester Sıtı» jáne UFC-ta basshylyq qyzmet atqarǵan Garrı Kýk lıganyń atqarýshy prezıdenti ári bas dırektory boldy.
Qoryta aıtqanda, ár taraptan Krıshtıaný Ronaldýdyń oıynyn tamashalaǵysy keletin jankúıerlerdiń kóbeıeri anyq. Bul da Saýd Arabııasyna tabys ákeletini túsinikti.
Eske sala keteıik, budan buryn Krıshtıaný Ronaldý jalaqysynyń basym bóligi Saýd Arabııasynyń bıýdjetinen tólenetinin jazǵan bolatynbyz.
Sondaı-aq Krıshtıaný Ronaldý «Al-Nasr» quramynda alǵashqy golyn soqty.
Garrı Keın «Tottenhem» tarıhynda eń mergen oıynshy atandy.
Foto – Shampionat.com