Krıshtıaný Ronaldý Saýd Arabııasynda qamaýǵa alynýy yqtımal
20:20, 11 Tamyz 2023
ER-RIıAD. QazAqparat - Saýd Arabııasynyń «Ál-Nasr» komandasynyń shabýylshysy Krıshtıaný Ronaldý hrıstıan dinine tán ıshara jasaǵany úshin jazalanýy yqtımal, dep habarlaıdy QazAqparat Sports.kz-ke silteme jasap.
«Ál-Nasr» men «Al-Shorta» Arab chempıondarynyń klýbtyq kýbogy aıasynda match ótkizdi. 75-inshi mınýtta Ronaldý penaltıde gol soqty jáne bul oıyn barysyndaǵy jalǵyz gol boldy (1:0).
Dopty qaqpaǵa dóp túsirgennen keıin Krıshtıaný oń qolymen hrıstıan dinine tán shoqyný ısharasyn jasady. Osy áreketi úshin ol jazaǵa tartylyp, tipti qamaýǵa alynýy múmkin. Sebebi Saýd Arabııasynda hrıstıandyqqa qatysty kez kelgen ym-ısharaǵa tyıym salynǵan.
Portýgalııalyq oıynshy qamalýy yqtımal degen qaýip bar, biraq jergilikti bılik ony jazalamaıdy dep kútilýde. Alaıda klýb basshylyǵy sógis berýi múmkin degen boljam jasalyp jatyr.