Krıshtıaný Ronaldý Portýgalııa quramasynda oınaı bergisi keledi

ASTANA. QazAqparat – Ataqty fýtbolshy Krıshtıaný Ronaldý Portýgalııa quramasynda oınaı berýge nıetti ekendigin bildirdi, dep habarlaıdy QazAqparat tilshisi.

Correio da Manhã málim etkenindeı, 37 jastaǵy shabýylshy osyndaı sheshim qabyldaǵan.

K.Ronaldý qurama sapynda qalyp, 2024 jylǵy Eýropa chempıonatynda óner kórsetýdi josparlap otyr.

Aqparat kózindegi jazbaǵa qaraǵanda, jaǵdaı portýgalııalyq maman Fernandý Santýshtyń bolashaǵyna baılanysty. Ol Portýgalııa quramasynyń bas bapkeri qyzmetinen jaqyn arada ketýi múmkin.

Shabýylshy qazirgi kezde óziniń babynda emestigin túsinedi. Bul rette ol muny «Manchester ıÝnaıted» klýbynyń maýsym aldy jıynynda bolmaǵandyǵymen jáne jıi oınamaǵanymen túsindiredi.

K.Ronaldý Qatardaǵy álem chempıonaty kezinde «Manchester ıÝnaıted» sapynan ketken bolatyn. K.Ronaldý kapıtany bolǵan Portýgalııa shırek fınalda Marokkoǵa 0:1 eebimen jol berip, júldege talasý múmkindiginen aıyryldy. Sońǵy eki matchta Krıshtıaný Ronaldý bapker F.Santýshtyń sheshimimen qosalqy quramda qalǵan edi.

Eske sala keteıik, budan buryn Lıonel Messıdiń «Altyn dopqa» basty úmitker atanǵanyn jazǵan bolatynbyz.

Foto: championat.com