Krıshtıaný Ronaldý «Manchester ıÝnaıted» klýbynan ketti

ASTANA. QazAqparat – Aǵylshyndyq «Manchester ıÝnaıted» klýby portýgalııalyq shabýylshy Krıshtıaný Ronaldýmen kelisimshartty buzyldy. Bul týraly komanda saıtyndaǵy aqparatta aıtylǵan, dep habarlaıdy QazAqparat.

Atalmysh klýbtyń baspasóz qyzmetinen málim etkenindeı, taraptar ózara osyndaı kelisimge kelgen.

«Manchester ıÝnaıted» portýgalııalyq oıynshyǵa komandanyń damýyna qosqan úlken úlesi úshin alǵysyn bildirgen. Klýbqa eki ret kelip, osymen eki ret ketken Krıshtıaný 346 matchta 145 gol soqty.

Sonymen qatar klýb bas bapker, nıderlandylyq maman Erık ten Hagqa senim bildirip, aldaǵy ýaqytta da birlesken jumystaryn jalǵastyratynyn jetkizgen.

Budan buryn K.Ronaldý ulybrıtanııalyq jýrnalıst Pırs Morganǵa suhbat berip, Erık ten Hagty qurmettemeıtinin aıtqan bolatyn.

K.Ronaldýdyń ózi «Manchester ıÝnaıted» pen onyń jankúıerlerin jaqsy kóretinin, klýbqa tek jaqsylyq tileıtinin bildirdi.

Ronaldý aǵylshyndyq komandaǵa 2021 jyldyń jazynda oralǵan edi.

Eske sala keteıik, budan buryn fýtboldan bıylǵy «Altyn dop» ıegeriniń álem chempıonatynan tys qalǵanyn jazǵan bolatynbyz.

Sondaı-aq Krıshtıaný Ronaldý fýtboldan álem chempıonatynyń favorıtterin atady.

Argentına quramasy álem chempıonatynda Saýd Arabııasynan jeńildi.

Danııa men Týnıs quramalary teń tarqasty.

Argentınany jeńý qurmetine Saýd Arabııasynda sársenbi demalys kúni bolyp jarııalandy.