Krıshtıaný Ronaldý 30 jastan keıin eń kóp gol soqqan oıynshy atandy

<p>Portýgalııa komandasynyń kapıtany ári shabýylshysy Krıshtıaný Ronaldý 30 jasynan keıin eń kóp gol soqqan oıynshy atandy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

2024 jylǵy Eýropa chempıonatyna irikteý týrnırinde 38 jastaǵy K.Ronaldý Slovakııamen matchta (3:2) qos goldyń avtory atanyp, óz komandasyna jeńis áperdi.

Osylaısha, Ronaldý halyqaralyq deńgeıde óziniń 30 jasynan keıin 73-golyn engizdi.

Mundaı nátıjege 192 elden eshkim jetip kórgen emes.

Bul memleketterdiń qatarynda Germanııa, Frantsııa, Italııa, Anglııa, Ispanııa, Nıderland, Shvetsııa, Horvatııa, Danııa, Ýrýgvaı, Kolýmbııa, Chılı, Meksıka, AQSh, Mysyr, Gana jáne basqalar bar.

2024 jylǵy Eýropa chempıonatynyń irikteý satysynda J tobynda Portýgalııa quramasy 21 upaı jınap, kósh bastap tur.

Roberto Martınestiń komandasy qazirdiń ózinde Eýropa birinshiligine ótti deýge bolady.

Óıtkeni Portýgalııa ekinshi orynnan tómendemeıdi.

Ár toptan eki úzdik qurama joldama alady.

Eske sala keteıik, fýtboldan Frantsııa quramasynyń Eýropa chempıonatynyń fınaldyq satysyna shyqqanyn jazǵan bolatynbyz.