Krıptovalıýta baǵamynyń tómendeýi bıtkoın ıelerin shyǵynǵa ushyratty
10:10, 17 Maýsym 2022
NUR-SULTAN. QazAqparat – Osy aptada negizgi krıptovalıýta baǵamdarynyń tómendeýi nátıjesinde iri bıtkoın ıeleri mıllıardtaǵan dollar joǵaltty. Krıptovalıýtanyń qulaýy búkil álemdegi ınvestorlarǵa áser etti, olardyń arasynda baqylaýshylar Salvador Respýblıkasynyń Úkimetin erekshe atap ótti, dep habarlaıdy QazAqpara reseılik VVS jańalyqtaryna silteme jasap.
Ótken jyldyń qyrkúıeginde Salvador bıligi bıtkoındi eldegi resmı tólem quraly dep jarııalap, turǵyndardy ony kúndelikti tranzaktsııalar úshin paıdalanýǵa shaqyrdy. Bıtkoınmen barlyǵyn satyp alýǵa bolady – usaq-túıek pen kóshedegi fastfýdtan bastap jyljymaıtyn múlikke deıin.
El prezıdenti Naıb Býkeleniń bul krıptovalıýtany zańdastyrý týraly sheshimi endi barlyq bızneste atalmysh valıýta túrin Salvadordyń negizgi valıýtasy – AQSh dollarymen bir deńgeıde qabyldaýy kerek degendi bildiredi.