Krıptoaktıvterge baılanysty naqty ustanymymyz bar - AHQO

ASTANA. QazAqparat - «Astana» Halyqaralyq qarjy ortalyǵynyń krıpoaktıvterge degen naqty ustanymy bar - krıptoaktıvterdiń aınalymyn retteý asa qajet. Elordada «Blockchain Conference Astana» atty jıynda «Astana» halyqaralyq qarjy ortalyǵy ákimshiliginiń basqarýshy dırektory Qaırat Qalıev osylaı dedi, dep habarlaıdy QazAqparat tilshisi.

«Bizde AHQO-da qarjy tehnologııalary negizgi baǵyttardyń biri bolyp tabylady. Olardyń sany beseý. Qarjy tehnologııalary týraly aıta otyryp, biz blokcheınge, sonymen birge krıptoaktıvterge erekshe mańyz berip otyrmyz. Krıpoaktıvterdi retteý máselesi óte qarqyndy túrde talqylaný ústinde. Atalǵan másele boıynsha AHQO-nyń berik ustanymy bar - ıaǵnı, krıptoaktıvterdiń aınalymyn retteý asa qajet», - deıdi Qaırat Qalıev.

AHQO ókiliniń aıtýynsha, krıptoaktıvter naryǵynda retteý jobasy ázirlenip qoıǵan. Ol qazir ashyq. Árbir adam oǵan enip, keri baılanysqa shyǵa alady.

«Osy jazda AHQO-nyń «Afsa» retteýshi organy osy erejelerdi bekitip, jumys bastalyp keter degen senimdemiz», - deıdi ol.

Qaırat Qalıevtyń aıtýyna qaraǵanda, qarjy tehnologııalaryn baǵyty úshin AHQO-da qarjylyq jeńildikter qarastyrylǵan.

«Blokcheınniń damýy turǵysynda biz «AR-3», «Haıper Ledjer» kontsortsıýmyna retteýshi retinde endik. Blokcheın boıynsha arnaıy kýrstardy da turaqty túrde uıymdastyrýdy qolǵa aldyq. Blokcheındi baǵdarlamalaý turǵysynan da kýrstar barshylyq. Jobalar da joq emes. Halyqaralyq kompanııalar ony retteý turǵysynan da bizge kómekterin kórsetip jatyr», - deıdi Qaırat Qalıev.