Kreşenıe rásimi: Maman sýǵa túskende qandaı erejelerdi saqtaý qajet ekenin túsindirdi

<p>ASTANA. KAZINFORM &ndash; Astana qalasynyń sanıtarııalyq-epıdemıologııalyq baqylaý departamenti basshysynyń orynbasary Muhamǵalı Aryspaev Kreşenıe dinı merekesine baılanysty jappaı shomylý kezindegi qaýipsizdik sharalary týraly aıtty.</p>

– Jyl saıyn 19 qańtarda kóptegen senýshiler «Kreşenıe Gospodnıa» dinı merekesin atap ótedi. Bul kúni sýdyń emdik qasıetteri bar jáne bul qasıetterdi jyl boıy saqtaıdy dep sanalady. Qalada jappaı shomylýǵa arnalǵan oıyqtar Esil ózeniniń sol jaq jaǵalaýynda, Astanalyq saıabaǵynyń jaǵalaý aýdanynda jáne qalalyq jaǵajaıdyń aýdanynda ornatylady. Shomylý oryndarynda barlyq qaýipsizdik erejelerin eskere otyryp jabdyqtalady, al shomylý ornynda TJM, PD jáne jedel medıtsınalyq járdem brıgadasy qyzmetkerleriniń kezekshilikteri uıymdastyrylady. Astana qalasynyń sanıtarııalyq-epıdemıologııalyq baqylaý departamentimen sanıtarlyq-epıdemıologııalyq monıtorıng sheńberinde Esil ózeniniń sý sapasyna zerthanalyq zertteýlerge sý synamasyn alý júrgiziledi. Sondaı-aq, is-sharalar ótkiziletin oryndarda jáne qatysýshylardyń tamaqtaný pýnktterinde baqylaý júzege asyrylady, - deıdi maman.

Ol sý oryndaryna shomylý densaýlyqqa paıdaly bolýy úshin shomylýshylarǵa belgili bir saqtyq sharalaryn saqtaý qajet ekenin atap ótti.

· Tyıym salynady:

· adamdarda sozylmaly aýrýlar bolǵan kezde shomylý (júrek-tamyr jáne tynys alý júıesiniń aýrýlary, qant dıabeti jáne t. b. aýrýlar);

· balalarǵa shomylý usynylmaıdy;

· shomylý oryndarymen jabdyqtalmaǵan, belgilenbegen jerlerde shomylýǵa;

· Usynylady:

· Kreşenıe merekesinde shomylý aldynda dáriger keńesin alý qajet;

· shomylǵannan keıin súlgimen súrtiný jáne kıim aýystyrý qajet;

· shomylǵannan keıin ystyq shaı ishý kerek.

Ótken jyly Astanada kreşenıe rásiminde shomylý qaı oryndarda ótkenin jazǵan bolatynbyz.