Kreşenıe rásimi: Astanada shomylý rásimi qaı oryndarda ótedi

<p>Elordada 18-19 qańtar kúnderi barlyq pravoslavıe shirkeýlerinde Kreşenıe merekesi rásimi ótedi, dep habarlaıdy <a href="Kazinform" target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

2024 jyly Kreşenıe merekesiniń rásimi 18-19 qańtarda Astana qalasynyń barlyq pravoslavıe shirkeýinde ótedi. Olar: Ýspen kafedraldy sobory (Kúıshi Dına kóshesi, 27), Konstantın-Elenın shirkeýi (Respýblıka dańǵyly, 12), Serafım Sarovtyń shirkeýi (Bógenbaı batyr dańǵyly, 8).

Esil ózenindegi muzdyń qalyń bolmaýyna baılanysty Astana qalasynyń Tótenshe jaǵdaılar departamentiniń usynysy negizinde shomylatyn oryndar Esil ózeniniń sol jaǵalaýyndaǵy ortalyq jaǵajaıda ornalastyryldy.

Jappaı shomylýǵa arnalǵan oıyqtar Esil ózeniniń sol jaǵalaýyndaǵy «Astana» saıabaǵynyń jaǵalaýynda (ortalyq jaǵajaı) ornatylady.

Shomylatyn oryndar 18 qańtar kúni saǵat 19:30-dan bastap 19 qańtar saǵat 02:00-ge deıin qoljetimdi bolady. Sondaı-aq jappaı shomylý 19 qańtar tańǵy 08:00-den saǵat 23:00-ge deıin jalǵasady.

Dinı rásim barysynda Astana qalasynyń Tótenshe jaǵdaılar departamenti Sýda qutqarý qyzmeti jáne polıtsııa departamentiniń qyzmetkerleri turǵyndardyń qaýipsizdigin qamtamasyz etedi. Bul kúni shomylý oryndarynda jedel járdem brıgadalary kezekshilik etedi.
Elorda turǵyndary men qonaqtaryn qaýipsizdik sharalaryn saqtaýǵa jáne shomylý kezinde aýa raıy jaǵdaılaryn eskerýge shaqyramyz.

Sondaı-aq qaýipsizdik erejelerin jáne shomylýǵa arnalǵan oryndardy este ustaǵan jón: kýpeldiń janynda 3 adamnan artyq turmaý kerek, tek qutqarýshylar men medıtsına qyzmetkerleriniń baqylaýymen sýǵa túsý qajet. Sýǵa kirmes buryn, deneni qyzdyratyn jattyǵý jasap, rásimnen keıin ózińizdi súlgimen ysqylap, jyly zattardy kıip, ystyq shaı ishýińiz kerek. Eger shomylý kezinde densaýlyǵyńyzdyń nasharlaǵanyn sezseńiz, dereý shomylý ornynda kezekshi dárigerlerge habarlasýǵa keńes beremiz. Naǵyp qatypa