Kreatıvti ındýstrııany damytý týraly zań jobasy Parlament qaraýyna engiziledi
«Qazirgi kezde tabysty arttyrýdyń jańa ári áleýetti baǵytynyń biri - kreatıvti ındýstrııa salasy. Álemdegi kreatıvti ındýstrııanyń qarjy aınalymy 2,3 trln AQSh dollaryn quraıdy. Osy salada 12 jyl buryn arnaıy baǵdarlama qabyldaǵan Ońtústik Koreıa 2020 jyly álemdik medıa-oıyn saýyq naryǵynda jetinshi orynǵa shyqty. Búginde bul eldiń kreatıvti eksport kólemi 12 mlrd AQSh dollarynan asty.
Sondyqtan, kreatıvti ındýstrııany damytýǵa erekshe nazar aýdarylyp otyr. Birinshiden, elimizde 3 myńǵa jýyq mádenıet uıymdary bar. Eń aldymen osy uıymdardyń kreatıvti ıdeıalar úshin ashyqtyǵyn qamtamasyz etemiz»,- dedi E.Toǵjanov.
Ekinshiden, mádenıet uıymdaryndaǵy qural-jabdyqtardy qoldana otyryp, jańa kreatıvti ónim shyǵarýǵa nıetti azamattarǵa tıisti jaǵdaı jasaý eskerilgen.
«Úshinshiden, qazir mádenıet uıymdarynyń múlkin paıda tabý maqsatynda tıimdi paıdalaný mehanızmderin retteıtin zań jobasy ázirlenip jatyr. Túsken tabys sol uıymdardy materıaldyq-tehnıkalyq jabdyqtaýǵa jáne qyzmetkerlerdiń jalaqysyn arttyrýǵa baǵyttalady. Bul óz kezeginde mádenıet uıymdaryn ekonomıkalyq aınalymǵa engizýdiń múmkindigi», - dedi Úkimet basshysynyń orynbasary.
«Sonymen qatar, avtorlyq quqyqty qorǵaý mehanızmderine qatysty birqatar máseleler de bar. Jalpy, kreatıvti ındýstrııany damytýǵa baǵyttalǵan zań jobalary ázirlenip, Parlament qaraýyna engiziledi. Sizderden bul bastamalarǵa qoldaý kórsetýlerińizdi suraımyn», - dedi ol senatorlarǵa qarata aıtqan sózinde.
Budan buryn habarlanǵandaı, E. Toǵjanov «Samuryq-Qazyna» qory kompanııalar tobyndaǵy óndiris jumysshylarynyń jalaqasy kóteriletinin aıtty.
Ekonomıkanyń túrli salalarynda ınvestıtsııalyq jobalardy iske asyrý esebinen 2025 jylǵa deıin 2 mln-nan astam jańa jumys orny qurylady.