Kreatıvti ındýstrııanynyń Qazaqstanǵa tán ulttyq úlgisin qalyptastyrýymyz qajet – Aıda Balaeva

<p>ASTANA. KAZINFORM &ndash; Mádenıet jáne aqparat mınıstri Aıda Balaeva Eýropa men Ortalyq Azııadaǵy BUUDB aımaqtyq bıýrosy dırektorynyń orynbasary Nık Hartmanmen kezdesti. Kezdesý barysynda taraptar kreatıvti ındýstrııa men genderlik saıasatty damytý máselelerin talqylady.</p>

«Memleket basshysy kreatıvti ındýstrııany qoldaý boıynsha is-sharalar keshenin ázirleýdi, onyń ishinde árbir oblys ortalyǵy men iri qalalarda kreatıvti ındýstrııa ortalyqtaryn qurýdy jáne qatysýshylarǵa ónimdi kommertsııalandyrý máseleleri boıynsha kómek kórsetýdi tapsyrdy. Halyqaralyq tájirıbeni eskere otyryp osy salany damytýǵa baǵyttalǵan Qazaqstanǵa tán ulttyq úlgini qalyptastyrýymyz qajet», - dedi mınıstr.

Óz kezeginde BUUDB Eýropa men Ortalyq Azııadaǵy aımaqtyq bıýrosy dırektorynyń orynbasary Nık Hartman Qazaqstanmen halyqaralyq jobalardy iske asyrý men yntymaqtastyqty arttyrýǵa, sondaı-aq saraptamalyq qoldaý kórsetýge daıyn ekenin jetkizdi.

Foto: QR Mádenıet jáne aqparat mınıstrligi

Taraptar zamanaýı ádister men tehnologııalardy paıdalana otyryp tereńdetilgen zertteýler júrgizý jónindegi birlesken jobalardy iske asyrý, kreatıvshilerdiń qatysýymen semınarlar ótkizýge halyqaralyq sarapshylardy tartý, shetelde tájirıbe almasýǵa jiberý jáne oqytýǵa qatysty máselelerdi talqylady.