Kreatıvti ındýstrııany damytýǵa qatysty jańa normalar engiziledi – Májilis

<p>ASTANA. KAZINFORM &ndash; Búgin Májiliste &laquo;Qazaqstan Respýblıkasynyń keıbir zańnamalyq aktilerine aqparat, qoǵamdyq damý, mádenıet jáne arhıv isi salalaryndaǵy normalardyń artyq (shamadan tys) zańnamalyq reglamenttelýin bolǵyzbaý máseleleri boıynsha ózgerister men tolyqtyrýlar engizý týraly&raquo; zań jobasy birinshi oqylymda maquldandy.&nbsp;</p>

Zań jobasyn tanystyrǵan Mádenıet jáne aqparat mınıstri Aıda Balaeva Memleket basshysynyń 2022 jylǵy 13 sáýirdegi «Memlekettik apparattyń qyzmetin bıýrokratııadan aryltý sharalary týraly» Jarlyǵyna sáıkes aqparat, qoǵamdyq damý, mádenıet jáne arhıv salasyna birqatar ózgerister engizildi.

«Bul zań jobasy negizdemelik sıpatta 3 úlken baǵytty qamtıdy. Birinshi, salany retteıtin uzyn sany 9 zańǵa ózgerister engizip, osyǵan oraı olardyń maqsatyn, mindetteri men prıntsıpterin qaıta anyqtaıdy. Ekinshi, mınıstrliktiń quzyretin zańnamalyq turǵydan shamadan tys retteý máselesin sheshedi. Atap aıtqanda, buryn zańnamaǵa mınıstrlik moınyndaǵy mindetterdi, sonyń ishinde ishki protsedýralarǵa jáne basqa memlekettik organdarmen qarym-qatynas máselelerine qatysty normalar endigi jerde mınıstrliktiń erejesimen retteletin bolady», - dedi Aıda Balaeva Májilistiń jalpy otyrysynda.

Mınıstr aıtqan úshinshi mańyzdy jaıt, kreatıvti ındýstrııa ókilderine memlekettik qoldaý sharalary.

«Búgin usynylyp otyrǵan zań jobasy kreatıvti óndiristi qoldaýdyń naqty sharalaryn kózdeıtin memlekettik saıasatty anyqtaıtyn ózgeristerdi usynady. Máselen, Úkimetke osy saıasatty júrgizý jáne osy salany damytýǵa jaýapty zańdy tulǵalardy anyqtaý sııaqty naqty quzyret berýdi kózdeıdi», - deıdi vedomstvo basshysy. 

Vedomstvo basshysynyń málimdeýinshe, atalǵan zań jobasy aldaryńyzǵa kelmes buryn tııanaqty túrde saraptamadan ótip, barlyq múddeli tarappen talqylandy.