QR Joǵarǵy sotynyń sýdıasy M. Úsenovke qatysty túsinikteme berdi
Esterińizde bolsa, 2013 jyly 1 jeltoqsan kúni M.Úsenov BMW-H6 markaly kóligimen jol jıeginde turǵan 6 júrginshini qaǵyp ketti. Olardyń bireýi oqıǵa ornynda kóz jumdy. Jol-kólik oqıǵasy bolǵan jerde júrgizýshi izin sýytqanymen kóp uzamaı ustalǵan bolatyn. «Bul isti tergeý barysynda ol jábirlenýshi tarappen tatýlasty. Tatýlasyp, bitimgershilikke kelý degenimiz ne? Bunyń aldynda zańda bitimgershilikke kelýge jol berilgen, sebebi ol orta dárejeli qylmysqa jatqyzylady. Sonymen birge qylmys abaısyz jasaldy. Men halyqtyń aıtyp jatqan pikirin túsinemin. Alaıda, búginde, ıaǵnı 1 qańtardan bastap, biz jańa Qylmystyq Kodeks boıynsha jumys istep jatyrmyz jáne onda bul abaısyz jasalǵan qylmys sanatyna jatqyzylsa da, taraptardyń tatýlasýy qarastyrylmaǵan. Atap aıtqanda, tatýlasý degen qazir joq», dedi M. Shegenov Ortalyq kommýnıkatsııalar qyzmetinde tilshiler saýalyna jaýap berý kezinde. «Bul is sotqa deıin jetken joq. Іs júzinde sot ony qarastyrǵan joq. Sondyqtan da taraptardyń tatýlasýy bolǵannan keıin sot qamaýda ustaý qaýlysynyń kúshin joıdy jáne osyndaı is-qımyl jasaýǵa májbúr boldy. ıAǵnı, zańdy negizde osyndaı qadamǵa barýǵa mindetti boldy»,-dep túsindirdi sýdıa. Osy oraıda M. Shegenov atalǵan jol-kólik oqıǵasy boıynsha M. Úsenovke qatysty ákimshilik óndiris aıasynda eń qatal sharalar qoldanylǵanyn atap ótti. «Úsenov úsh márte ákimshilik jaýapkershilikke tartyldy. Sot oǵan ákimshilik jazaǵa tartý turǵysynda eń qatal jazany taǵaıyndady»,-dedi ol.