QR Joǵarǵy sotynda sýdıalyqqa úmitkerlerdi irikteýdiń halyqaralyq standarttary men tájirıbesi talqylandy
Atalǵan is-sharany QR Joǵarǵy Soty Quqyq arqyly demokratııaǵa Eýropalyq komıssııasymen, sondaı-aq EQYU-nyń Astanadaǵy ortalyǵymen birlesip uıymdastyrdy.
Іs-sharaǵa QR Joǵarǵy Sotynyń tóraǵasy Q. Mámı, QR Joǵarǵy Sot Keńesiniń tóraǵasy B.Beknazarov, QR Memlekettik qyzmet isteri agenttiginiń tóraǵasy Á.Baımenov, Joǵarǵy Sottyń jáne jergilikti sottardyń sýdıalary, QR Parlamenti depýtattary, Advokattar odaǵynyń prezıdenti Á.Túgel, EQYU-nyń Astanadaǵy ortalyǵynyń basshysy N.Zarýdnaıa, Eýropa Keńesiniń Quqyq arqyly demokratııaǵa Eýropalyq komıssııasynyń músheleri, sýdıalardyń biliktiligin arttyrý jónindegi qazaqstandyq jáne sheteldik ınstıtýttar basshylary, halyqaralyq jáne otandyq sarapshylar qatysty.
Dóńgelek ústelge qatysýshylar Qazaqstandaǵy jáne sheteldegi sýdıalardy irikteý tájirıbesi, sýdıalyqqa úmitkerlerdi irikteý ólshemderin jetildirý, sýdıa kadrlaryn daıarlaýdaǵy mamandandyrylǵan magıstratýranyń róli jáne t.b. máselelerdi qarastyryp, osy taqyryp aıasynda ózara tıimdi pikir almasty.
QR Joǵarǵy Sotynyń tóraǵasy Q.Mámı óz sózinde «Sýdıalyqqa úmitkerlerdi irikteýdiń ólshemderi men rásimderi, sondaı-aq olardyń mansaptyq ósýi zańdy jáne ádil sot tóreligin qamtamasyz etýge baǵyttalǵan táýelsiz sot júıesiniń qalyptasýy men damýy úshin asa mańyzdy bolyp tabylady», degen pikirin bildirdi. Sýdıa kadrlaryn daıarlaý men irikteý júıesin jańǵyrtý, elimizdegi sot korpýsynyń kásibıligin arttyrý 2013 jylǵy 20 qarashada ótken QR Sýdıalarynyń VI sezinde Memleket basshysynyń sot júıesin odan ári damytý jóninde tapsyrǵan mindetteriniń biri bolyp tabylady.
Jıyn sońynda sýdıalyq korpýstyń kadrlyq áleýetin jaqsartý jónindegi sheteldik jáne otandyq tájirıbeniń negizinde usynymdar qabyldandy.