QR Joǵarǵy sotynda sot isterin qashyqtan qaraý máseleleri talqylandy

ASTANA. QazAqparat - Qazaqstan Respýblıkasynyń Joǵarǵy Sotynda sot jáne quqyq qoǵaý organdarynyń aqparattyq júıeleriniń ózara is-áreketiniń máselelerin talqylaǵan májilis ótti, dep habarlaıdy sottyń baspasóz qyzmetinen.

Májiliske Astana qalasy aýdandyq sottarynyń ókilderi Bas prokýratýranyń QSAEK, Іshki ister mınıstrligi, «Ulttyq aqparattyq tehnologııalar» AQ ókilderi, Astana qalasy aýdandyq sottary keńsesiniń meńgerýshileri, QR Joǵarǵy sotynyń janyndaǵy Sottardyń qyzmetin qamtamasyz etý departamentiniń jaýapty qyzmetkerleri qatysty.

Májiliste isti qashyqtan qaraý kezinde vıdeokonferentsbaılanys júıesin qoldaný, qylmystyq is, ákimshilik quqyq buzýshylyq týraly is boıynsha Talondardy berý, quqyq buzýshy jaıly derekterdi berý bóligindegi Quqyqtyq statıstıka jáne arnaıy esepke alý komıtetimen ıntegratsııalaný máseleleri jáne t.b. talqylandy.

Joǵarǵy sot janyndaǵy departament joǵaryda kórsetilgen Talondardy berý týraly usynysty engizdi, bul qatysýshylardy sot protsesterin taǵaıyndaý kúni týraly jáne shyǵarylǵan sot aktileri týraly úrdispen jedel aqparattandyrýǵa múmkindik beredi.

Májilis barysynda ІІM vedomstvolyq baǵynysty organdaryn sotqa materıaldardy jetkizý tetikterin ońaılatý jáne úkimderdiń oryndalýy jóninde málimetter alý úshin «Qazaqstan Respýblıkasy memlekettik organdarynyń Biryńǵaı elektrondyq qujat aınalymy júıesine» qatysýshylardyń quramyna engizý máseleleri talqylandy.

Májilis sońynda naqty nátıjelerge qol jetkizý úshin jumysty jalǵastyratyn sharalar barysy anyqtaldy.